Zastava                  Руски писнї - Rutenian Songs

Опатьце богатство видео материялох о Русинох - кликнїце на лоґо
See the abundance of video clips about Rusyns - click on the logo

 

ЗМИСТ - CONTENTS

НАРОДНИ ТАНЦИ

Иду волки     
"Качочка" танєц     
"Мраз" танец     
"Найстарши" танец  (Качали ше)     
Накошени марадики   
Наша хижа обилєна (Метелиця)     
"Нє до церня" танєц   
Тераз сом ше розскакала   
У желеним гаю ("Видуманец")
"Яковов" танєц
Шугаїчко прешвечени   
Дунай,  Дунай глїбоки   
Подзме дому,  гвари свашка 
Ей, желєне, желєне   
Ей, зродзели верби,  грушки 
Идзе дижджик, идзе   
Шиє ми ше, шиє  кабат   
Мац ме моя нагваряла   
Кед парадни леґиньчок   
Ту уж вечар   
Другим граю, другим граю а я не весела   
Козачок   
Ей, не пойдзем   
Ей, гори,  гори   
Три овечки, два ягнятка   
Ходзим горе, ход зим долу   
Гаю, гаю   
Зложни хлапци
Ти, шугаю,  шугаїчку
Ей, не плєцце,  не мотайце
Док я була ище мала
Сходзи, долу сходзи   
1 Танєц   
2 Танєц-коло   
3 Танєц   
4 Танєц   
5 Танєц   
6 Краковяк
7 Танєц - на желєней травки


Толкованє:
А-ґрупа: писнї принєшени зоз приселєеньом до Бачкей и Сриму
Б-ґрупа: писнї хтори ориґинално настали у Бачкей и Сриму по приселєню
В-ґрупа: писнї хтори пренєшени зоз Горнїци до Бачкей и Сриму по приселєню
Г-ґрупа: писнї
Нєкласификовани: писнї хтори автор кнїжки "Наша песня" нє класификовал до ґрупох А, Б, В, лєбо Ґ.

НАРОДНИ ТАНЦИ

"ИДУ ВОЛКИ ПОПОД ХОТАР": коломийка.
Старински наш народни танєц, котри лем найстарши ґенерациї наметаю. Записал Тон у Коцуре ЗО XI 1953 од Я. Тимка.

"КАЧОЧКА": два коломийки.
Танєц без текста записал Тон у Коцуре од Я. Тимка 30-ХІ-53.

"МРАЗ" — танєц.
Записал без текста Яким Хома у Р. Керестуре 29 V 1951 р. од Чижмар Якова. То вариянта од писнї "Колиб менї, Господи, неділі- діждати".

"НАЙСТАРШИ ТАНЄЦ": колмийка.
Мелодию записал Тон у Коцуре ЗО XI 1953 од Я. Тимка зос текстом "Качали ше доли, гори", НП. 70.

"НАКОШЕНИ МАРАДИКИ": коломийка.
Мелодию зос текстом записал Тон у Вербасу од гудацох.

" НАША ХИЖА ОБИЛЄНА" — (метелиця): два коломийки.
Записал. Тон мелодиї зос текстом у Вербасу од гудацох. Вариярту текста зазначел В. Гнатюк, Ет. зб. ЇХ. ч. 126 и 136.

"НЄ ДО ЦЕРНЯ" — танєц: два коломийки.
Танєц записал Яким Хома у Р. Керестуре 29 V 1951 р. од Якова Чижмара, без текста.

"ТЕРАЗ СОМ ШЕ РОЗСКАКАЛА, ТЕРАЗ ЖЕ МИ ГРАЙЦЕ": коломийка.
Мелодию зос текстом записал Тон у Вербасу 9 ХІІ 1953 од Михала Бильні'. То вариянта текста цо го записал Гнатюк, Ет. зб. IX. ч. 5.)

"У ЖЕЛЄНИМ ГАЮ ДРЕВКО ТАК РУБАЮ" — танец "Видуманец".
Зос текстом и мелодию записал Тон од Єлени Шандор у Коцуре 1930 р. Текстову вариянту маме од писнї цо ю зазначел у Лемкивским краю др. Ф. Колесса, Ет. зб. І. ч 85.

"ЯКОВОВ ТАНЄЦ".
Без текста записал Яким Хома у Р. Керестуре 29 V 1951 р, од Якова Чижмара — самого автора. Вербас, 28 XII 1953.

"ШУГАЇЧКО ПРЕШВЕДЧЕНИ" — стара свадзебна коломийка, котра спада до А-ґрупи, бо ма блїзку свою вариянту у Карпатох, дзе ю записал др. Ст. Людкевич, ч. 1055, а текст ч. 1024 Муз. ет. зб. ХХІІ.

"ДУНАЙ, ДУНАЙ" —танєц зоз двох свадзебних коломийкох, котри ше такой навязує на ПОДЗМЕ ДОМУ".

"ПОДЗМЕ ДОМУ" — танєц тиж зоз двох свадзебних коломийкох, котри твори цалосц зос "ДУНАЙ, ДУНАЙ", а ма текстову вариянту ч. 186 Муз. ет. зб. др. Людкевича, а ма текстову вариянту писнї 404 в Муз. ет. зб. др. Ф. Колесси
кнь. І. Иншак обидва тоти танци спадаю до Б-ґрупи, бо уж ту настали.

"ЕЙ, ЖЕЛЄНЕ, ЖЕЛЄНЕ" — свадзебни танєц зложени з двох коломийкох, а котри маю лем текстово вариянти у Карпатох, ч. 265 Муз. ет. зб. І. др. Ф. Колесси, алє мелодиї ориґинални Б-ґрупи.

"ЕЙ, ЗРОДЗЕЛИ ВЕРБИ ГРУШКИ" — танєц-коломийка А-ґрупи, бо ма свою блїзку мелодийну вариянту у Карпатох, а записал ю др. Ст. Людкевич, ч. 1238 и текстову ч. 679 Муз. ет. зб. XXI и XXII.

"ИДЗЕ ДИЖДЖИК" — танєц-коломийка А-ґрупи, бо ма свою паралелу у Карпатох ч. 1255 Муз. ет. зб. др. Людкевича, а влриянту текста, ч. 75 б Муз. ет. зб. І. др. Ф. Колесси.

"ШИЄ МИ ШЕ КАБАТ" — танец зложени з двох коломийкових мелодийох, з котрих ше лем перша шпива зос текстом, а спада до Б-ґрупи, бо є ту ориґинална. Текст зазначел В. Гнатюк и др. Ф. Колесса, ч. 74/ІІ котрому то вариянта.

"МАЦ МЕ МОЯ НАГВАРЯЛА" — танєц-коломийка ориґинална по мелодиї Б-ґрупа, а текст єй вариянта коломийки, цо ю записал др. Ст. Людкевич у Карпатох и то цикаве, же у валалє, цо ше вола КОЦУРОВ, ч. 1163 Муз. ет. зб. XXII.

"КЕД ПАРАДНИ ЛЕҐИНЬ" — танєц (апокопована) коломийка, котри записал Яким Хома од Чижмар Якова у Руским Керестуре 1951 року без текста. Мелодия ориґинална, а єй текст то вариянта числа 122 а Муз. ет. зб. др. Ф. Колесси кнь. І. Спада до Б-ґрупи.

"ТУ УЖ ВЕЧАР" — танєц-коломийка зос предлуженьом, котра спада до Б-ґрупи, бо є ориґинална, а за текст ма вїриянту числа 545 Муз. ет. зб. XXI др. Ст. Людкевича з Карпатох.

"ДРУГИМ ГРАЮ" — танєц-коломийка тиж ориґинална Б-ґрупа, лєм ма текстову варианту записаней у Карпатох, ч. 1455 Муз. ет. зб. XXII др. Людкевича.

"КОЗАЧОК" — народни наш танєц без текста, зоз Закарпатского краю. Б-ґрупа.

"ТА НЄ ПОЙДЗЕМ ЗА ТАКОГО" — танєц-коломийка зоз музичней драми "Суд правди" М. Ковача, котри єй зложел текст по нар. писнї, а мелодию Тон у Р. Керестуре 1936 року. Спада до Б-ґрупи.

"ЕЙ, ГОРИ, ГОРИ МОЙО" — шугай зволуе пайташох на помоц страцени овци глєдац. Тоту писню граю гудаци, але лєм провадза фуяру, котра водзи "соло",на пременку зоз єдним лєпшим "соло" шугайом, котри шпива. За тот час хлапци и дзивчата ше зазберую и ставаю до велького кола, чекаю конец писнї. Мелодия спада до А-Г ґрупи, пре цудзи елементи.

"ТРИ ОВЕЧКИ, ДВА ЯГНЯТКА" - танец з двох коломийкох, котри означує же почало гледане "страцених овечкох". Док наш кореограф випита наших старих, яки ше ту фиґури виводзели як и у дальших танцох, реконструкцию не будзе чежко вивесц. — Мелодиї спадаю до А-ґрупи, бо маю свойо (мелодийни) вариянти у Карпатох, дзе их др. Ст. Людкевич пренашол у валале Коцурове, ч. 1099 и 1163 Муз. ет. зб. XXII. Танєц ше зоз новима фигурами предлужуе зоз идущим числом далей.

"ХОДЗИМ ГОРЕ, ХОДЗИМ ДОЛУ" — танец з двох коломийкох Б-ґрупи, у котрих "шугай не може прежаловац страцени овечки". Кед ше уж натанцовали "жалованя", музика прерве, а челядз ше поставя заш до велького кола, а єдна дзивка "мила" зос 5 пайташками уходзи до штредку (мале коло у вельким) и почина "соло" з провадзеньом музикантох слїдующу писню нєтанечну коломийку; а шицки за тот час мирую.

"ГАЮ, ГАЮ, МОЙ ЖЕЛЄНИ" - нєтанечна коломийка - писня, котра нам одкрива "тайну" дзе ше подзели страцени овечки (сама их загнала и скрила до гаю, же би ше зос шугайом зисц могла !). Тота мелодия спада до А-ґрупи, бо ю находзиме записану, ч. 1156 Муз. ет. зб. XXII. др. Людкевича, а записал ю тиж у валале Коцурове, у Карпатох. — Кед писня докончена, починаю
радосни танци.

"ЗЛОЖНИ ХЛАПЦИ" — танец з двох коломийкох веселого (перша) настрою и ефектно уривана (друга) радосц, бо ше нашли не лем "овечки з ягнятками" алє при нїх и "мила". Тоти коломийки спадаю до Б-ґрупи.

"ТИ ШУГАЮ, ШУГАЇЧКУ" — весели закончуюци танец- коломийка. Спада до А-ґрупи, бо ма свою вариянту у Карпатох, ч. 1147 Муз. ет. зб. др. Ст. Людкевича. Кельо тот циклус цикави зоз музичней точки, тельо и зос
фолклорно-кореоґрафичней, та ше можеме наздавац, же ше и реконструктор и нєодлуга найдзе.

"ЕЙ, НЄ ПЛЄЦЦЕ" — танец зоз музичней драми "Ораче" М. Ковача. Текст написал автор, а мелодию Тон 1954 р.

"ДОК Я БУЛА ИЩЕ МАЛА" — стародавни наш народна танец-колоиийка, а спада до А-ґрупи, бо то записал и др. Ст. Людкевич у Карпатох у валале Коцурове 1902 року, ч. 1164 Муз. ет. зб. XXII.

"СХОДЗИ, ДОЛУ СХОДЗИ"—наш народни танєц зоз Закарпатского краю. Текст написал М. Ковач за музичну драму "Ораче", а мелодия народна и спада до В-ґрупи, бо є пренєшена зос театралнима фалатами по Першей шветовей войни.