У судзини за печене упражиме (подинстуєме) цибулю, парадичи, додаме шметанку, лимунов сок и сенф. Печарки порежеме на фалатки, попражиме их на маслу, додаме огурки, помишаме шицко вєдно и дакус охабиме най ше шицко повяже, а потим додаме упражене месо, добре зогрееме и такой сервируєме. Прилог нє потребни, алє мож додац уварену рискашу лєбо уварени кромплї.

РОЛАДИ З ГОВЕДЗИНИ
Говедзина за ролади муши буц одрезана барз на ценко у велькосци капустового лїсца за сарму. Фалати потлучеме же би були ище ценшн и векши, вец посолїме и попопруєме. З єдного боку (хто люби) премасца ше зоз сенфом, а вец ше шицко полнї зоз пошеканима квашенима огурками, шунку чи сланїну и зомлєту цибулю. Шицко муши буц на ценко и длугоко резане — як резанки. Месо ше закруцує як лїсце за сарму, заджобнє же би ше нє розпадовало тото зоз чим є полнєне зоз чисту зубодлобку и кладзе на горуцу масц у котрей ше пражела пошекана цибулька. Шицко ше налєє з цеплу воду и ґу ньому дода пол ложички цукру же би цо скорей одмекло. Кед месо мегке, зохаби ше одкрите най вода вивре. Теди ше дода ложка муки, кус мелкей паприґи, дас 4 ложки парадичанки, та ше залєє з тельо води же би ролади були преляти. Шицко ше ище кус повари, посолї по смаку, злєє до миски за служенє и зоз роладох ше повибера зубодлобки.
З роладами ше служи пире кромплї, або млади гращок чи чушпайз зоз мархви.

ЦЕЛЯЧА ПАЙШЛА
Потребне: 200 ґ билей печинки (целячей), 200 ґ чарней печинки (целячей), 100 ґ шерца, 3—4 главки цибулї, 20 ґ муки, 80 ґ масци, 2 дл квашней шметанки, мелкей паприґи, 1 лимун, соль попер.
Обариц билу и чарну печинку и шерцо у сланей води, та их порезац на резанки. На масци попражиц на реберка порезану цибулю, додац муку, препражиц най почервенї, а вец додац мелку паприґу. Усипац до тей запрашки пошекану печинку (чарну и билу) и шерцо и заляц з воду у котрей ше обарйовали. Посолїц по смаку и попопровац, та вариц док цалком нє будзе мегке. При концу вицадзиц сок з лимуна и умишац до ньго квашну шметанку, та уляц до вареня.
Сервировац зоз ґомбовцами.