ЦЕЛЯЧЕ ПЕЧЕНЄ
Целяче печенє пририхтуєме так як и печену живину.

ЦЕЛЯЧИ МЕДАЛЬОНИ У МАЧАНКИ ЗОЗ ІІЕЧАРКОХ
Потребне за кажду особу 200 ґ целячого меса зоз сцегна (фрикадо, орех лєбо рибич). Месо нє резац у истим напряме як иду мускули, алє крижом и треба резац на фалати груби коло 4 см, а широки коло 5 см. За кажду особу потребне 200 ґ швижи лєбо печарки з фляши, присмаки — солї, попру, сенфу, маджуну, веґети, порезане петрушково лїсце, масла и млєка. За кажду особу потребне по три мали пражинки з хлєба 4X4 см.
Месо порезац так же би за кажду особу було по три фалати меса — медальони. Месо посолїц, вилупац з клофеном и намасциц зоз сенфом. Окреме ше прави мачанка зоз печаркох: печарки порезац на дробно и пражиц их на олєю 3—4 минути, додац на штири особи 100 ґрами масла и кед ше масло розпущи, додац ложку сенфу, ложку маджуну, петрушково лїсце, млєко 1,5 дл, попру малу ложичку и єдну ложичку веґети. Шицко добре розмишац, виключиц ринґлу, алє мачанку охабиц и далєй на нєй и помали мишац док ше не згушнє.
Медальони пражиме на олєю 8—10 минути нє на моцним огню. У соку од медальонох печеме пражинки зоз хлєба, а остаток соку кладземе — додаваме до мачанки по потреби и смаку. Медальони складаме на овалпу тацну на пражинки так най на каждей пражинки стої по єден. Мачанку можеме преляц такой, лєбо ю сервировац окреме и госци беру кажди окреме. Ґу медальоном мож упражиц помфрит, лєбо комбиновац прилог од желєняви увареней и прелятей з маслом (гращок, рискаша, мархва, карфиол и друга желєнява). Обовязно сервировац даєдну зоз швижих шалатох.

ЦЕЛЯЧИ ПЕРШИ ПОЛНЄНИ
Потребне: 500 ґрами целячих першох (шпици), 250 ґрами мишаного млєтого меса, 2 цибулї, єден жемлїк (чи фалаток билого хлєба), єдно вайцо, соль, попер, ложка масла, ложка соку з лимуну, два деци шметанки.
Посолєну целячину у фалаце почухац з лимоновим соком. До млєтого меса додац дробно нашекану цибулю, вайцо,