намачани жемлїк, солї и попру У целячини направиц торбичку (з єдного боку розрезац) и нафиловац до торбички млєте месо, та зошиц з билу цверну. Месо положиц до римского гарчка, а по нїм кус олею чи масци (може и масла). Заврец и печиц у рерни два годзини на 200 ступнї. До юшки з меса умишац шметанку, кус муки и засмачиц з веґету. Додаток: виварени галушки.

ЦЕЛЯЧИНА ПОХОВАНА
Целячи шницли порежеме на ценки фалати, на обидва боки потлучеме. Посолїме, мачаме перше до муки, вец до розтрепаного посолєного вайца, а на остатку до презлох. Пражиме на обидва боки док нє почервенї. Пред єдзеньом на верх накапкаме дакус лимунового соку же би було смачнєйше.


Швинєцина

ГУРКА НА ТЕПІПИ
Обарени гурки нє можу длуго стац. Прето их треба цо скорей похасновац, а вельо су смачнєйши кед су печени. Мож их класц ґу крупом, або ґу даякей мачанки, алє су лєпши сами у тепши. Єдну цалу гурку (вше печце лєм цалу, най нє чури) ше умиє цо лєпше и осуши, посцера з чистим ручнїчком и таку звязану положи до тепши. Пече ше на досц вельким огню, алє нє длуго. Реже ше на фалатки кед є упечена и кус охладзена, же би ше нє розсиповала, а єсц ю мож вєдно зоз скорку. Ґу нєй смакує квашена капуста.
Гу печеней гурки додайце кромпльову шалату (кромплї уварени у лупи, вец порезани на колєчка, ґу нїм додата пошекана цибуля и шицко тото ше поолєює, пооцтує и посолї по смаку). Кед нє рихтаце кромпльову шалату, вец гурку служце зоз рискашу уварену у сланей води и одцадзену, або з другим даяким додатком.