ЗАКРУЦЕНА „ШТЕФАНИЯ"
За 5 особи потребне: зомлєтого швиньского меса 1/2 кґ, два цибулї дробно порезани, два вайца, 5 твардо уварени вайца, єдно и пол струча цеску на дробно порезане, присмаки (попру вецей), зоз хлєба мекушки 10 дкґ и 1 дл олєю, єдну и пол ложки нашеканого петрушкового лїсца.
Олєй зограц и додац цибулю и цеснок; пражиц док нє почне червенїц. Додац шицке месо одразу, зменшац огень на ринґли и динстовац 5—8 минути. Од присмакох додац попру дакус вецей (пол ложки), солї, 1 ложичку веґети, пол ложки млєтей паприґи, шицко зняц з шпоргета и охабиц най ше охладзи, а скорей того додац и хлєбову мекушку подробену на отрушини и добре розмишац. Док ше фил нє охладзи, увариц на твардо 5 вайца и пририхтац тепшу за печене, тиж зограц рерну на 225 ступнї. ІІорихтац и два векши фолийово папери (златко). До филу розбиц два вайца и помишац и додац петрушково лїсце.
Фолию престрец по столє и по длужини зоз филу оформиц перше подлогу за вайца длугоку кельо длугоки 5 вайца пошоровани єдно за другим. На подлогу з меса поскладац вайца єдно за другим и од горе заш додац фил з меса и оформиц на округло яґод ролат-рукав. Тиж и конци заврец з месом най ше вайца нє видза. Фолию закруциц перше єден край прейґ меса ґу стредку, а други бок од горе и закруциц до другого рукава-ролату. Краї заврец так же ше их зациска до меса. На тот способ ше достане рукав вельки и груби як ценша салама. Тепшу намасциц з масцу и до нєй пошоровац рукави и положиц до рерни. Печиц 45 минути. „Штефанию" ошлєбодзиц од фолиї, положиц на деску и порезац на колєчка хтори буду у стредку з вайцом. Ґу тому специялитету сервировац уварени кромплї и парадичовей мачанки, а смакує и друга мачанка хтору кухарка сама видума. Закруцену „штефанию" можеме сервнровац и зоз праженима кромплями и ту вец треба желєна або друга шалата.

ПЕЧЕНЕ ПРАШЕ
Пририхтує ше так: умите праше ше очуха з чистим ручнїком, зоднука насолї, до ньго ше положи чисту фляшу, зашиє ше, або з ножку завре розрезани брух, а вец ше звонка умиє зоз жимним сладким млєком. Кед ше на воздуху осушело, наолєюєме го з олєйом за єдзенє. Пече ше на благей температури же би ше нє запекло. Док ше праше пече, треба го пре-