лївац з олєйом и воду и нїяк ше нє шме до ньго джобац же би з нього нє вичурел софт. Теди му скорка будзе мегка, ценка и жовта.

ТОРТА ЗОЗ ШУНКУ
Вимишайце 4 жовчки зоз 4 ложками шметанки док шицко нє будзе як пена до хторей додаце 40 ґрами масла и 4 ложки муки нєпреривно мишаюци. До фурми за торту (намасценей и посипаней з муку) улєйце цесто и печце як торту. Кед ше цесто охладзи, прережце го по поли и филуйце з тим филом: 10 ґрами шунки и 100 ґрами сланїни орезаней зоз шунки, вимишайце зоз жовчком и кус шметанки. Таку филовану торту запечце ище 15 минути и служце — мож и зоз шалату.

ШВИНЬСКЕ МЕСО ПО ТАЛИЯНСКИ
Потребне: 500 ґрами швиньского меса на шницли, 250 ґрами печарки (конзерва), 200 ґрами вареней шунки, струче цеску, тимияну, розмариї, ловорового лїсца (кед подношице тоти запахи), шольку квашней шметанки, солї, попру, сарделокей пасти (мож купиц у туби) и ложку барз густей парадичанки.
На коцки порезани шницли посолїц и попопровац, парадичу обариц и зачириц до жимней води же би ше ю добре очисцело, та ю порезац и шицко змишац зоз печарками и зляц до римского гарчка. Од горе потресц пошекану шунку, додац розмарию, тимиян и ловорово лїсце, а до шметанки зджамиц струче цеску, додац парадичанку и добре вимишац, та додац сарделовей пасти (то не муши буц). Пече ше дас годзину на температури 225 ступні.
Додатки: желєна шалата и — розумлїве — талиянске чарне вино и шпаґети!

ШВИНЬСКЕ ПЕЧЕНЄ У СОФТУ
Килу швиньского меса у єдним фалаце (фалат може буц и векши од кили) посолїц, попопровац и посипац з мелку паприґу. Таке месо ше спущи до горуцей масци у шерпенї и на цихим огню пражи зоз шицких бокох. Ґу месу ше положи