єдну очисцену цибулю, єдну парадичу, струче цеску, желєну паприґу, мархву, пастернак, петрушку (кед вецей желєняви — єдло лєпше). Кед месо почервенї зоз шицких бокох, прелєє ше з воду и вари док подполно нє омегча.
Уварени фалат меса ше винє и охладзи, а тот софт цо остал у шерпенї ше препасирує. У другей шерпенки ше на кус масци попражи по можлївосци печарки шампиньонки, з кус петрушкового лїсца и прелєє зоз софтом з меса. Ґу тому ше дода ище 2—3 ложки парадичанки. Месо ше пореже на фалатки дас 15 мм груби та шорує до судзини у котрей софт и котра може стац на огню же би шицко вєдно ище зоварло. Гу такому єдлу ше служа уварени и очисценї кромплї, украшени зоз желєним пошеканим петрушковим лїсцом и зоз желену шалату. Надпоминаме же печарки нє муша буц!

ШВИНЬСКЕ СЦЕГНО НА ЛОВАРСКИ СПОСОБ
Швиньске сцегно ошлєбодзиц од косцох (випандловац). Окреме очисциц штири векши мархви и штири целери лєбо петрушки и порезац их по длужини на палїчки, пречнїка 1—2 см. Зоз вельким, узким и длугоким ножом у месу ше направи отвори так же ше нож заджобує до сцегна у напряме у хторим идзе и ткань меса. До отворох ше заджобує палїчки од мархви и целеру лєбо петрушки так най ше на одредзеней оддалєносци найдзе єднак розпоредзена желєнява. Кед сцегно векше, вец ше отвори прави з двох концох, але так най отвори буду у истим напряме, а на даскелїх местох до отвору ше положи даскельо фалатки нарезаного цеску и на фалатки нарезаней меснатей куреней сланїни. Сцегно посолїц и зоз шицких бокох намасциц зоз сенфом. До глїбшей судзини за печене положиц сцегно до олєю лєбо масци и печиц у рерни на температури од 250 ступнї и часто залївац з воду. Месо ше пече коло 150 минути.
Окреме направиме ґомбовци: на кажди штири особи 6 жемлїчки. Три жемлїчки намочиц до млєка, а други три порезац на коцочки и пражиц на масци на червено. Попражени жемлїчки винєме з масци и у другей судзини додаме жемлїчком 3 вайца, 200 ґ муки и жемлїчки намочени у млєку. Тоту масу посолїц, додац векшу ложку масла, шицко помишац и правиц округли ґомбовци. Ґомбовци треба вариц 15 минути у сланей води.
Кед сцегно упечене, винїмаме го и окреме береме сок хтори остал од печеня. Додаме два ложки муки, 300 ґр нарезани печарки хтори зме пред тим уварели у врацей води 5—8 минути, потим додаме 1 ложку маджуну, 2 дл шметанки, 1 лож-