ку сенфу, два ложки нарезаного петрушкового лїсца, 1 ложичку веґети, 1 порезану квашену огурку, попру и ложку густей парадичанки.
Месо режеме на фалати так най буду поцифровани зоз позаджобовану мархву и петрушку и складаме на тацну. Пририхтану мачанку на ловарски способ прелєеме прейґ меса и додаме за кажду особу ґомбовци. Од шалати ше сервирує желєну шалату з натартима жовчками од горе (мимоза шалата).

ШУНКА З ВАЙЦАМИ
По своїм составе то славни анґлийски фриштик „гем енд еґс", алє руска шунка з вайцами ма иншаки смак понеже то курена и солена шунка. Вибере ше маснєйши фалатки шунки, котри и так нєт хто єсц и спущи на горуцу палачинкарню най ше лєм з верху попража же би тото слане месо такой нє горело. Такой ше дода на кажди фалаток шунки по єдно вайцо, котре лєм зоз сподку най будзе добре попражене, а од верху попопроване.
Так з вайцами добри и шкварки зоз сланїни. Кед сланїна порезана на дробни коцочки, вец до нєбарз попражених коцочкох добре усипац ратоту (розтрепани вайца) и не солїц! И ґу шунки и ґу сланїни з вайцами барз смакує млада ярня желєна шалата.


Живина


ЖИВИНА ПЕЧЕНА
Курче (або пульку, качку, гуску) посолїме, положиме до топши и на ньго на верх масци. Улеєме дакус води и положиме до рерни. Часто полїваме зоз тим сафтом у тепши док месо доокола нє почервенї и док нє одмекнє. Готове порежеме, положиме на миску и вислугуєме зоз шалату або з варивом (цушпайзом).