КУРЧЕЦОВ ФРИКАЗЕ
Розобрате курче ше увари з цо вецей розличней желеняви: мархву, петрушку, пастернаком... Добре кед єст и гращку и дас 2 векши кромплї. Кед месо и желєнява мегки, одцадзи ше юшка, желенява ше пореже на дробни коцочки, а месо очисцене од скорки ше потарга на фалатки (нє реже!).
У шерпенки ше зогреє ложка масци и на нєй попражи кус муки до чого ше дода и пошеканого петрушкового лїсца, месо и желєнява, та ше шицко тото залеє з юшку у котрей желєнява и курче варене так же би маса була густа. Посолї ше по смаку, дода 2—3 ложки шметанки и пол ложички цукру.
Ґу тому єдлу служи ше рискаша уварена у сланей води, добре одцадзена и вимишана зоз кус масла. На верх рискаши ше як украс накладзе овоц з дунца, або ше хаснує и желену шалату.


Дзивина

НАДЗАТЕ ГОЛУБЧЕ
Способ пририхтованя надзатого голубчеца исти як и при надзиваним курчецу.

ПЕЧЕНА ДЗИВА КАЧКА
Очисцену дзиву качку охабиц на ляду найменєй 1—2 днї. Потим ю посолїц, попирскац зоз лимунову юшку и преляц зоз 4 ложками олєю. Так порихтана качка треба же би одстала
2 годзини. У медзичаше вжац фалат сушеней сланїни и порезац ю на цо ценше и ширше. Положиц качку на стред сланїни, замотац ю з шицких бокох зоз сланїну, а потим завязац з билу цверну. Потим качку положиц до тепши з фалатом масла и кус води, и печиц ю у рерни. Док ше пече часто ю залївац. Печену качку виняц з рерни, положиц ю на деску, поре-