зац ю на фалати, зложиц до судзини за печенє и преляц зоз соком у хторим ше пекла.

ПЕЧЕНИ ДОМАШНЇ АБО ДЗИВИ ЗАЯЦ
Потребне: 1 домашні (або дзиви) заяц, 6 ложки розпущеней масци, 10 дкґ куреней сланїни, 6 струча цеску, соль, вода, 1/2 дл шметанки.
Поступок: Одраного, одлєжаного, умитого заяца пошпикуєме зоз сланїну и цеском, посолїме, положиме до тепши. Так пририхтаного заяца полєєме з горуцу масцу и шметанку, подлєеме з воду и положиме печиц до рерни. Под час печеня месо з часу на час полїваме зоз софтом.

ПОХОВАНИ ДОМАШНЇ АБО ДЗИВИ ЗАЯЦ
Потребне: Хрибет и сцегна з младого заяца, мука, 1 вайцо, презли, 15 дкґ масци, соль, вода, оцет.
Поступок: Хрибет и сцегна обариме з врацу оцтову воду, потим го умиєме зоз жимну воду, порежеме на шиицли, посолїме, поваляме у муки, потим у вайцу витрепаним з воду и у презлох. Шницли пражиме на горуцей масци з початку нагло, а потим при благим огню.

ФАЗАН НА ШПАНЬОЛСКИ СПОСОБ
Два до три фазани очисциц звонка и знука, потим их умиц, порезац на фалатки и посипац зоз солю и попром. До округлей, висшей шерпенки положиц ложку масла, и док ше зогреє, положиц до шерпенки фазани и пражиц их док нє почервеня зоз шицких бокох. До праженого меса усипац 2/3 фляши вина малаґа, додац дакус сировей шунки, кус целеру, главку цибулї и шицко вєдно пражиц док желєнява нє змегча. Упражене фазаново месо виняц зоз соку, и зоз соку направиц мачанку хторей треба додац 1/3 фляши вина малаґа и дакус, препасирани печарки. Шицко прецадзиц през шитко, положиц до шерпенки на шпоргет, превариц з 250 ґ ценко порезанима печарками и мачанку преляц прейґ печених фазанох.