же би ше охладзела. За тот час дробно порезац шерцо и пупорки и помишац з рискашу. Окреме порезац печинку и до нєй додац рискашу и помишац. До шицкого того розбиц два вайца, додац солї и попру, помишац, наляц з воду тельо же би рискашу покрило. Положиц шерпенку на шпоргет и вариц док рискаша нє змегча. Под час вареня стално мишац же би рискаша нє пригорела. Так порихтану рискашу вислуговац з ярабицу.

ЯРАБИЦА ПЕЧЕНА У ВИНОВИМ СОКУ
Нє париц ярабицу з горуцу воду, як цо ше роби при живини, але ю суху оскубац од пиря, а потим очисциц од бурачкох и умиц. Потим ярабицу посолїц звонка и знука и положиц до нєй фалат сланїни, обложиц перши и хрибет ярабицов. Положиц ю до судзини у хторей ше будзе печиц. Посипац ю з пошекану мархву и цибулю. Шицко тото заляц зоз билим вином и помали месо динстовац. Кед ярабица будзе мегка, виняц ю зоз сока, позберац масц, а мачанку пасировац и додац єй лимунов сок. Порезац ярабицу на фалатки, и преляц зоз порихтану мачанку зоз вина.

Паприґаши

ГУЛАШ
Потребне: 600 ґрами меса за ґулаш (швиньске, говедзина або мишане), 400 ґрами цибулї, 1 паприґа, 3 ложки на коцочки порезаней куреней сланїни, соль, мелка паприґа, кус натартей лимуновей скорки, ферталь литри говедзиновей юшки, 2 ложки муки.
Коцочки сланїни ше попражи, на тей масци кус попражиц и цибулю пошекану на дробно и фалатки меса. Шицко положиц до овлаженого римского гарчка. По верху потресц пошекану паприґу, а вец заляц зоз юшку и потресц зоз солю, мелку паприґу и кус лимуновей скорки. Ґулаш ше прикриє и кладзе до рерни най ше пече на 200 ступнї (зоз зогриваньом