2,5 годзини). По жаданю до двох децох парадичанки умишац 2 ложки муки и преляц по ґулашу та заш запечиц.
Додатки: слани на цало варени кромплї, рискаша, галушки.

ДЗИВИ ЗАЯЦ НА КВАШНО
Потребне: 1 дзиви заяц, 2 мархви, 1 петрушка, цибуля, фалаток целеру, 2 струча цеску, 5 зарна цалого попру, 1 ловоров лїсток, 1 ложка оцту, сок з 1/2 лимуна, соль, вода, 2 дл шметанки, 1 ложка сенфу, 8 ложки розпущеней масци, 1 ложка цукру и 1 погар червеного вина.
Поступок: Очисценого, умитого заяца порежеме на єднаки фалатки, положиме на горуцу масц попечиц, додаме порезану цибулю, цеснок, цали попер, ловоров лїсток, оцет, лимунов сок, соль, вино и тельо води же би месо було до половки у чечносци. Додаме на дробно пошекану желєняву и динстуєме док нє омегча. Вец па малу шерпенку додаме 2 ложки масци и цукер, попражиме го, додаме муку, залєєме з воду и улєєме до месового софту з котрого зме пред тим виняли месо. Додаме шметанку у котрей зме розмишали муку, та охабиме най превре. На концу додаме месо и охабиме най дакус повре. Ґу месу сервируєме ґомбовци.

ДИСНОВТОРСКИ ПАПРИҐАШ
Пририхтац: 1,5 кґ швижого швиньского меса помишаного так же би було у нїм билей печинки, чарней печинки, кус шерца и покрутки, а остаток меса зоз карку; 2—3 векши главки цибулї, мелкей паприґи, солї, попру, кромплї по дзеки.
Поступок: Швиже месо поумивац и порезац на дробнєйши фалатки. До шерпенї положиц дакус масци и пошекану цибулю же би ше подинстовала. Кед цибуля дакус помекла, додац порезане месо най ше и воно подинстує. Потим попаприґовац и попопровац и ище кус подинстовац та заляц з году, тельо же би закрила месо. Посолїц по смаку и закриц зоз покривку най ше вари. Кед месо наполи уварене, мож ґу ньому доложиц даскельо на струча порезани кромплї.
Тот паприґаш ма специфични сладкави "дисновторски" смак. Барз є смачни кед ше ґу ньому сервирує квашена капуста як шалата.