МАДЯРСКИ ҐУЛАШ
Потребне: 200 ґрами цибулї, 200 ґрами парадичи, 200 ґрами желєней паприґи, 500 ґрами меса на ґулаш, 2 ложки масла, горкей мелкей паприґи, солї.
Цибулю ше пореже на векши коцки и з фалатками масла (масци) положи на дно судзини, дода штварцини парадичи (лупки очисциц), на резанки пошекану паприґу и коцки меса. Потресц зоз солю и мелку паприґу. Заварти гарчок положиц до рерни на 220 ступнї и печиц 2 годзини.
Додатки: пред печеньом мож додац 250 ґрами квашеней капусти (або шалату), лєбо кромплї.

ПАПРИГАШ З ДОМАШНЬОГО АБО ДЗИВОГО ЗАЯЦА
Потребне: 1 млади домашнї (дзиви) заяц, 6 ложки масци, 4 цибулї, 4—5 струча цеску, млєта червена паприґа, соль, вода, веґета.
Поступок: На масци попражиме на дробно пошекану цибулю и на дробно пошекани цеснок, на червенкаво. Умитого заяца порежеме на фалатки, додаме цибулю, млєту паприґу, ооль, залеєме з дакус води и динстуєме. Под час динстованя месо залїваме з воду. Кед є мегке, можеме го дакус посипац з муку и веґету, а потим и зоз квашну шметанку. Потим го кус повариме. Место муки и шметанки мож доляц 1 дл вина.

ПАПРИҐАШ ЗОЗ ПАРАДИЧОХ
Умиц 1 кґ узрети парадичи, очисциц од конарчкох, положиц до глїбшей судзини та преляц з врацу воду и охабиц най постої пол годзини. Потим ше вода одлєє, парадичи ше очисци од лупки и пореже на под'єднаки фалатки. Дотля ше очисци 6 главки цибулї, пореже на фалатки и попражи на 2 варешкох масци. Кед цибуля почервенї, дода ше 4—5 нарезани фалатки зоз желєней паприґи, пол шольки умитей и одцадзеней рискаши, та ше динстує. Кед паприґа одмекнє. дода ше 1 ложка червеней паприґи, вец порезани парадичи, посолї ше, премиша, закриє и динстує, а кеди-нєкеди ше премиша, док парадича нє пущи юшку. У тей юшки ше рискаша далєй вари док нє одмекнє. А кед юшка скорей вивре як цо рискаша одмекла, долїва ше кус води и так ше далєй вари.

РИБОВ ПАПРИГАШ
Потребне: 2 кг риби (потька або харча), 80 ґ олєю або масци, 5 главки цибулї, 1 ложичка мелкей паприґи, 2 желєни паприґи (у сезони), солї.