Поступок: Рибу очисциц, умиц и добре посолїц, порезац на фалатки и положиц до миски и заклопиц зоз покривку. Охабиц най одстої коло 20 минути.
У шерпенї зограц олєй або масц, додац на дробно пошекану цибулю, та кед пожовкне, посипац з мелку паприґу. Добре премишац и прейґ цибулї пошоровац фалатки риби. Поклопиц и динстовац коло 20 минути. Заляц з лїтну воду же би риба патугла, досолїц по смаку, додац порезану паприґу и вариц док риба нє одмекнє и вода нє превре. Сервировац у глїбокей миски.
Напомнуце: Паприґаш ше нє шме мишац же би ше риба нє розпадла, алє ше лем з часу на час шерпеня потреше же би паприґаш нє пригорел.

 

Рижни печеня и праженя з меса

БОСАНСКИ ШИШЧЕВАП
За шейсц особи потребие: маснєйшей говедзини 500 ґ, солї, штири бабури паприґи порезанеи на округли карики-персценї, 200 ґ цибулї порезани на персценї-колєчка, штири парадичи стреднєй велькосци порезани на колєчка, 300 ґ кромплї порезани на колєчка и 2 дл олєю.
Месо порезац на фалатки так най го мож надзац на рожень, посолїц го и на дакус длугши як обични палїчки за роженьчки здзивац месо єден фалаток, вец цибулю, парадичу, месо, паприґу, кромплю и так док ше нє потроши шицке месо и желєнява. Роженьчки ше пража у емайлированей судзини на олєю, посолїц и пражиц на цихим огню док шицко нє одмегча и долївац покус води. Треба мерковац най ше желєнява нє розпаднє. Служи ше цепле.

ДОДАТОК ҐУ КАРМЕНАДЛОМ
Нарезац надосц цибулї, желєней паприґи, парадичи, кед єст младого гращку, положиц го ґу тому шицкому и шицко