того швиньского меса, 100 ґ розпущеного сира, 100 ґ порезани парадичи, 150 ґ куреней сланїни, соль, попер, олєй, веґету.
Поступок: Превариц желєняву: кукурицу, паприґу, карфиол и парадичи же би одмекли и додац соль, веґету, попру и дакус олєю. Попражиц месо на олєю. Шицко вєдно помишац, усипац до тепши, од горе положиц одрезки сланїни и фалатки порезаного сира и печиц у добре зогратей рерни док ше сир нє розпущи.

ЧЕВАПЧИКИ
Потребне: 50 дкґ худого швиньского меса (з лопатки), 50 дкґ говедзини з карку або лопатки (место 50 дкґ говедзини можеме вжац 25 дкґ говедзини и 25 дкґ баранїни), 1 цале вайцо, солї, попру, 1 ложку стиднутей масци, на конєц ножа соди бикарбони (нє муши буц), 1 дл соди або минералней води, фалаток лою з говедзини або сланїни на почухане роштиля або плочи.
Потсупок: На машинки помелєме месо на дробно, посолїме, попопруєме, додаме вайцо, масц, соду бикарбону, минералну воду або соду и добре розмишаме. Так порихтане месо охабиме на жимним месце стац 24 годзини. Зоз такого меса правиме шульканци длугоки дас 6 см, а груби дас таки як и колбаси. Ище лєпше на машинку приправиц цивку и препущиц месо през ню же би ше оформели колбасково шнури. Таки шнури вец з ножом порежеме так же би кажди фалаток бул длугоки дас 6 см. Сирови чевапчики печеме на горуцим роштелю котри зме пред тим начухали з говедзиновим лойом або зоз сланїну, або на палачинкарнї (мож и на „плочи"). Сервируеме их з дробно пошекану цибулю, младу цибульку або зоз сенфом.

ЧЕВАПИ ЗОЗ КУКУРИЦИ ЦУКРОВКИ
Пририхтує ше за 4 особи.
Потребне: 500 ґ кукурици цукровки, 500 ґ млєтого говедзинового (швиньского) меса, 100 ґ швиньского мозґу, 1 вайцо, 50 ґ сенфу, соль, попер, горка млєта паприґа, веґета.
Поступок: Кукурицу цукровку вариц 5 минути у горуцей іюди, одцадзиц и охладзиц. Помишац ю з млєтим месом, а потим додац мозоґ, вайцо, сенф, соль, горку млєту паприґу, попер и веґету. Предлужиц з мишаньом ище 10 минути, же би ше добре гомоґенизовали состойки, охабиц 10 минути же би одстало и правиц чевапи.