Чевапи пражиц на маслу у палачинкарнї. Други способ то же би ше оваляло чевапи до замешки и пражиц их на олєю.

ФАШИР
Зомлєте месо (целяче, швиньске, говедзину, а може и помишац) посолїме, вдериме до ньго 1—2 вайца, 2—3 струча потлученого цеску и намоченого и висцисканого хлєба. Попопруєме. Добре премишаме, правиме поґачики и на горуцей масци на обидва боки на червено упечеме.

ФАШИРОВАНЕ МЕСО У РЕРНИ
Порихтаме месо як за фашир (горе описани), лєм вдериме 1 вайцо вецей: положиме до добре вимасценей тепшички и печеме у рерни цале. Кед є упечене, порежеме на фалатки и покладземе на миску з котрей ше вислугує.

 

Котлети

 

КОТЛЕТИ З МОЛУ
Потребне: за кажду особу по два швиньски карменадли лєбо два котлети зоз целячини. Окреме ше прави мачанка з Молу; на штири особи потребне: окрем соку, хтори пущи месо до олєю у хторим ше пражи, на длугоки резанки порезана єдна векша квашена огурка, єдна паприґа бабура з дунца порезана на рожнї, три ложки шметанки, 1 ложичка веґети, єдна ложичка сенфу, єдна ложка билей муки (хто люби горке, най на дробно пореже горкей паприґи) и присмаки.
Котлети лєбо карменадли посолїц и добре намочиц до билей муки и пражиц на олєю. Кед ше остатнї котлети упража, до олєю, на хторим ше пражели, треба перше додац дакус юшки лєбо води и додац нарезану огурку, паприґу, шметанку, веґету, сенфу, ложку муки, попру и солї по смаку, а добре