додац и 1 дл парадичанки. Шицко добре розмишац и ище дакус нариц. Котлети складац до судзини за сервированє, а прейґ нїх преляц молску мачанку. Ґу котлетом добре пасує рискаша уварена у води, лєбо рестовани кромплї як прилог.

КОТЛЕТИ „ПАРМА"
За штири особи потребно 8 котлети зоз целячини. Котлети ше посолї, виклофує ше их зоз млатком за месо (клофером). Окреме ше розбиє три вайца, посолї ше их и дода ше им 250 ґ натартого сира (треба вибрац тварди сир, найлєпше пармезан). Котлети ше перше добре замача до билей муки, вец до вайцох замуцених вєдно з натартим сиром и пражи ше их на олєю. Окреме ше увари рискашу у води, одцадзи ше и котлети ше шорує на подлогу од рискаши хтору украшиме з лїсцами желєней шалати. Котлети треба преляц зоз парадичову мачанку лєбо мачанку сервировац окреме и най госци беру сами мачанки и прелїваю по котлетох.

ПОЛНЄНИ КОТЛЕТИ
Швиньске лєбо целяче месо зоз хрибта — карманадли треба вжац у цалим фалаце вєдно з косцами. За кажду особу предвидзиц по два карманадли. Од меса одвоїц косци так же ше достане округли длугоки фалат меса. Вжац длугоки оштри нож и по стредку по длужини у месу направиц дзиру, а то ше роби так же ше нож перше зариє до стредку по черенка, а вец з другого боку так исто, потим ше оштре обраци на друга бок и зарез ше повтори у процивним напряме так же стредок годно полнїц. Месо ше може полнїц з бифтеком з говедзини лєбо з домашню швижу колбасу. Кед ше полнї з бифтеком, вец те бифтек перше добре намасци зоз сенфом, а пред тим ше пореже на длужини най ма пречнїк коло 3 цм. Бифтек ше иредрилї през направени зарез – дзиру по стредку, же би то йшло легко хаснуєме древену вареху. Месо ше посолї и премасци зоз сенфом. Мож го печиц на два способи. Перши способ як печене и стаємно ше го залїва з випущеним соком, а може го печиц и у фолиї закруцене, а у обидвох случайох зограта рерна на 250 ступні', 45 минути. Упечене месо ше реже на фалати и склада на тацну. Месо мож полнїц и зоз колбасу и обично ше целячину полнї зоз колбасу, а швиньске з бифтеком. Ґу месу сервировац пражени кромгогіпомфрит и швижу шалату.
Месо можеме сервировац и жимне и вец ше додава кромпльова шалата.