ЦЕЛЯЧИ КОТЛЕТИ „ДИБАРИ"
Потребне: за кажду особу по два котлети, по особи 100 ґ карфиолу, роял маса, стругани сир на тарлє, пражинки з вайцами, присмаки.
Роялову масу ше прави так же ше на кажди штири особи окреме до єдней судзини пририхта два вайца, три ложки шметанки, 1 дл млєка, 1 ложка муки и шицко добре помишац.
До намасценей тепши ше пошорую котлети. Карфиол ше очисци и умиє и подзелї ше го на струча такей велькосци жо би приблїжно прекривали поверхносц котлета. Карфиол ше перше добре замача до роял маси и кладзе ше на кажди котлет по єдно стручегромадка. Котлети ше перше посолї и єден бок (долнї) ше замача до муки. Кед ше на шицки котлети пошорує громадки од карфиолу, остаток роял маси ше прелєє прейґ котлетох, але так най роял маса найвецей покрива верхи котлетох на хторих карфиол. Од горе ше натре на тарлє твардого сира (найлєпше кед найдзеце пармезан). Тепша ше кладзе до зогратей рерни и пече ше коло ЗО минути на температури од 225 ступні. Окреме ше одреже хлєба на фалатки велькосци як и котлети, хлєб ше замача до розмуцених вайцох и пражи ше на олєю лєбо масци. Хлєб ше добре одцадзи од масци и склада ше на зограту вельку тацну, на кажди хлєб ше кладзе по єден котлет.
Ґу тому специялитету сервировац пражени млади кромплї (кед им сезона) и желєну шал ату. Тиж ґу котлету мож сервировац и фалатки лимуну.

Бифтеки

АНҐЛИИСКИ БИФТЕК
Говедзину ше пореже як на шницли, потлуче ше, попопрус и фалати ше кладзе до дунца єден на други. При кладзеню прелїва ше зоз зейтином, а на остатку ше дунєц завяже з дунцовим папером, та най стої на жимним месце 24 годзини. Пред печеньом кажди фалаток ше посолї и кладзе до горуцей масци. Упечени бифтеки ше склада на зограту миску и на кажди ше положи по 1 цале упражене вайцо. Мож єсц з рижнима додатками (ґарнирунґами).
Бифтек ше муши єсц накадзи є готови, бо познєйше затварднє.