ТАТАРСКИ БИФТЕК
Татарски бифтек спада до найделикатеснєйших специялитетох сучасней кухнї, а схопносц и фаховосц ше состої у тим же треба найсц праве одношенє медзи количеством меса и присмаками цо ше може зоз подиолним чувством пририхтовац лем после вельо рокох занїманя зоз кулинарством. Зато тот рецепт, гоч на перши погляд випатра лєгки, спреведлїви и чежко ше уда добри татарски бифтек кед ше лем дакус одступи од нього. А найвекша гришка кед ше присмаки не додава по одредзеним шоре же би их месо могло прияц до себе, же би язик познєйше по истим шоре могол розобрац присуство шицких присмакох и оможлївел нам подполно уживац у тим специялитету. У ресторанох ше хаснуе коло 30 розлични присмаки за тот рецепт, а ми го направиме зоз присмаками хтори маме у домашнєй кухнї и зоз присмаками хтори мож нєшка набавиц.
Бифтек з говедзини купиц у месарнї, най нє будзе зоз старей крави, але анї нє з целячини. Єден фалат такого меса чежки од 500—800 ґрами. Месо перше треба добре з барз оштрим ножом очисциц од бланкох и тетивох. У єдней судзини (найлєпше у тепши) треба направиц пац у хторим бифтек муши у фрижидеру престац найменєй 4 днї. До тепши (олїваней) положиме 300 ґ сенфу, сок зоз пол лимуна, попру 1 ложку, кус солї и 2 дл слунечнїкоовго олєю и шицко добре розмишаме. Бифтек у фалаце добре уваляме у тим пацу и з руками го ище добре начапкаме най цо вецей упиє того соку. Бифтек охабиме у тепши и положиме до фрижидера, а кажди дзень го обрацаме на други бок най од вшадзи прима сок. На таки способ месо ферментує и омегча. Пред пририхтованьом бифтек винєме зоз тепши, з руку з нього сцагнєме остати сок, порежеме го на менши фалати и зомелєме го у машинки за месо. У єдней судзини, хтора муши буц векша и треба же би мала округле дно, пририхтуєме присмаки по шоре. Перше наляц 1,5 дл олєю и до ньго положиц два на дробно пошекани цибулї и добре их поджамиц зоз видлїчку так же ше цибулю миша и прицискаджами з видлїчку, потим додац два квашни огурки, исто на барз дробно порезани, и два струча цеску дробно порезаного. Заш ше шицко джами и додава ше пол ложки солї; додац два ложки нарезаних маслинох и два поджамени фалати ринґлици. Тераз ше дода єдну верхом полну ложичку млєтого попру и два мали ложички млєтей паприґи и заш ше шицко миша з ложичку и видлїчку. Тераз треба додац три вельки ложки сенфу и три жовчки и знова мишац. Додац парадичовей каши лєбо кечапу два ложки и три ложки нашеканого петрушкового лїсца. Тераз треба месо замишац до присмакох и мишац з видлїчку и ложку док ше шицка маса нє почне оддзельовад од дна и док ше нє сцишнє так же випатра яґод паштета. На остатку