додац сок од єдного лимуна и 1 дл французкого коняку лєбо виняку.
Окреме ше прави пражинки зоз хлеба без скорки. На пражинки ше перше масци масло, а од горе ше на грубо масци татарски бифтек. Хто люби баржей горке, най нашека на дробно желєней горкей паприґи, а горчину мож достац и кед ше дода ище попру.
Таки специялитет ше є намасцени на пражинки и пиє ше червене вино. За тих цо нє любя горке мож оддвоїц — подзелїц на половку и окреме направиц без присмакох хтори горки, алє вец додац поджаменого сира ґорґонзоли и вецей парадичанки або кечапу. Шицкому добре додац и винчестер мачанки кед єй єст при руки.

ФРАНЦУЗКИ БИФТЕК
Говедзина ше пореже на шницли груби як палєц. Кажди фалат ше потлуче, посолї и нагло ше пече на горуцей масци. Кед бифтек упечени, кладзе ше фалатки до зогратей миски, кажди ше премасци зоз сенфом, положи на ньго ценки фалаток шунки и 1 пражене цале вайцо, та ше цепле вислугує.

Розбратни

РОСТБРАТНА
Говедзину, порезану на шницли, посолїме и попопруєме. На горуцей масци попражиме надосц цибульки, порезаней на векше, та кед є червена, вибереме ю на танєрчок. До истей масци кладзе ше пражиц шницли, а же би месо було мегке, муши ше кединекеди долївац з воду. На концу ше налєе тельо води же би шницли плївали. Скорей того положи ше ґу шницлом кус муки и кус мелкей паприґи. парадичи и пошеканого петрушкового лїсца. Кед шницли у тим софту превру, дода ше упражену цибулю, сцагне з огня и прикриє з верхом.