Ґу шницлом ше служа обарени, очисцени и порезани кромплї, котри зме кус препражели на цибульки. Од горе ше посипе з петрушковим лїсцом. Як шалата смакує карфиол. Карфиол ше за шалату пририхтує так: уварени струча карфиолу ше помита зоз сирову нарезану цибулю, поквашнї и попопрує и кус поолєює. Добре охладзени карфиол на шалату ше на концу прелєє зоз шметанку и служи.

РОЗБРАТНА З ЛИОНУ
За кажду особу по єдна розбратна (месо з говедзини з косцукарманадла), 200 ґ очисценей цибулї порезаней на лїсца, олєй, присмаки и 150 ґ варени кромплї.
Розбратну пражиц на олєю на червено. Пред тим розбратну посолїц и намасциц дакус зоз сенфом. Окреме у истим олєю на хторим упражена розбратна пражиц цибулю док нє почне червенїц. Розбратну положиц до танєра и на ню пололшц упражену цибулю, а шицко вєдно преляц зоз соком од праженя. Коло того сервировац уварени кромплї. Тото єдзенє барз здраве и калоричне, та ше нє препоручує за пририхтоване за вечеру, але пред даяку роботу през дзень. Окреме месо барз смачне кед ше упече полукирваво.

РОЗБРАТНА ЗОЗ ЦЕСКОМ
Месо за розбратну ше умиє, пореже на кляпчисти фалати, посолї и пече на горуцей масци. По печеним месу покладзе ше даскельо струча цеску, пошекани, а од горе посипац дакущичко води. Готови розбратни ше кладзе на миску, прелєє з юшку у котрей ше пекли и служи зоз пире кромплями.


Шницли


ВЕГЕТАРИЯНСКА ПІНИЦЛА

Увариц вшелїякей желєняви (кромплї, гращок, мархву, целер, цибулю, мауну итд.) Желєняву лєбо порезац на ко