цочки, лєбо ю поджамиц. Додац присмаки по дзеки. За кажду особу треба 200 ґ увареней желєняви, по 2 вайца, муки и тартар мачанку, лєбо майонез.
Желєнява ше розмиша з вайцами най ше вайца добре упию. До маси додац дакус муки и правиц шницлифашири оваляни у муки. Шницла ше пражи у глїбоким олєю 6—8 минути. Шницлу ше сервирує зоз тартар мачанку, майонезом лєбо зоз швижу парадичанку.
Пририхтує ше за дзеци, за хорих, але є здрава и хасновита за шицких, а особено хто трима „линию".
Надпомнуце: шницлу найлєгчейше направиц кед ше вари юшка и кед ше зоз юшки при прецадзованю винє уварена желєнява и зоз нєй мож вше за єдну або вецей особи коло даякого другого єдла з меса направиц и шницлу од желєняви за дакого од госцох.
Тиж до шницли можеме додац и вареного меса зоз юшки.

ДИНСТОВАНИ ШНИЦЛИ
Барз ценки говедзиново шницли потлучеме на обидва боки и конци им кус позарезуєме же би ше при динстованю нє покруцели. Так приготовени шницли посолїме кажду окреме, поскладаме до шерпенї, нарежеме на верх шницлох цибулі, положиме масци, дакус води, закриєме з покривку и динстуєме дотля док месо нє будзе цалком мегке.

РУСКА ШНИЦЛА
Пририхтує ше за 1 особу.
Потребне: 250 ґ швиньскей карманадли, 50 ґ куреней шунки, 50 ґ кукурици цукровки, 1 вайцо, соль, веґету и попер.
Поступок: Карманадлу очисциц од косци, порезац и достату шницлу добре потлучиц. Пред тим на горуцим олєю поиражиц порезану шунку, кукурицу цукровку, вайцо, соль, веґету и попер. З тоту масу филовац порихтани шницли, роловац их, омучиц у муки, вайцу и презлох и пражиц на горуцим олєю.
Служиц зоз прилогом по жаданю.