ФАШИРОВАНА ШНИЦЛА
Потребне: 300 ґ млєтого (швиньского або говедзинового) меса, 200 ґ вареней кукурици цукровки, 100 ґ варени кромплї, 100 ґ майонезу, 100 ґ масла, кус солї, попру, веґети, млєтей паприґи, ,,аґи" додаток за рибову юшку.
Поступок: Зоз наведзених состойкох (окрем „аґи" додатку за рибову юшку и масла) направиц округли шницли, оваляц их у ,,аґи"додатку и пражиц на маслу.
Шницли декоровац з майонезом.

ШНИЦЛА МОНСИНЬОР
Потребне: на кажду особу по єдна шницла од 180—200 ґ, целяча лєбо шивньска, фалат ценко одрезаней шунки и фалат сира одрезани на ценко як за сендвич поверхносци 5X5 цм. Присмаки и як прилог уварени кромплї 150 ґ по особи и пражени хлєб 1 фалат по особи.
Шницлу потлучиц з млатком за месо (клофером) — виклофовац, посолїц и замачац до муки (обложиц з муку). Тепшу лєбо огньостойку судзину намасциц з олєйом лєбо масцу и складац до нєй шницли за шором. На кажду шницлу положиц перше шунку, а на ню сир, а на сир дакус млєтей паприґи. Хлєб, лєм мекушку з каждого фалата велькоеци 6X6 цм замачац до розтрепаних и замуцених вайцох и упражиц на масци (бундашов хлєб). Шницли печиц у рерни ЗО минути на температури 250 ступні". Шницли ше сервирує так же ше кажда кладзе на упражени хлєб, а додава ше уварени кромплї преляти зоз соком цо остал од печеня. Ґу шницли сервировац талату печеней паприґи, желєну лєбо сербску шалату.

ШНИЦЛИ ЗОЗ СЕНФОМ И ПЕЧАРКАМИ
Потребне: 500 ґрами меса порезаного на шницли, соль, попер, єдна цибуля, ложка масци, ложка сенфу, шолька желєнявовей юшки (або месовей — якей варице), погар вина, конзерва печарки, ложка лимунового соку и ложка муки.
Шницли посолїц и попопровац, а зоз пошекану цибулю попражиц на горуцей масци. Покласц до овлаженого гарчка, а вимишану юіику з вином, сенфом. сок з лимуна, муку и печарки преляц од горе. Заварте печиц коло 45 минути на 200 ступні. До прелїву з печеня кед виняти готови шницли додац веґети по смаку и служиц.
Додатки: барени карфиол, кромплї.