ШНИЦЛИ 303 ШАМПИНЬОНАМИ
Целячи шницли треба посолїц, попопровац и посипац з мелку паприґу. Пражвме их на цихим огню. Кед су готови, винєме их зоз шерпенки и на тоту масц спущиме дробни печарки — шампиньони, нарезаней желєней паприґи, ложку муки и на концу пошекане струче цеску, та ше шицко залее з воду. Долєє ше и 2—3 ложки парадичанки и петрушкового лїсца. До того ше попуща шницли и охаби най ше кус поваря.
Ґу тому ше служи пире з кромпльох и мишана шалата.

ШНИЦЛИ У ЮШКИ
Целячи шницли потлучеме, посолїме, кажду помачаме до муки на обидва боки и на горуцей масци печеме. Кед месо на обидва боки червене, додаме дакус води най ше у тей юшки ище дакус подинстує. Сцагнєме го вец долу, шницли повинїмаме до миски, а до тей юшки у хторей ше месо динстовало положиме шметанки, накапкаме лимуну и посипеме по шницлох.

ШНИЦЛИ ЦЕЛЯЧИ З ВАЙЦАМИ
На ценко порежеме векши фалатки целячини зоз сцегна, потлучеме на обидва боки, дакус посолїме и до тей шницли закруциме на твардо уварене вайцо. Шницли положиме до горуцей масци печиц, так же би закруцени конци були на сподку шерпенї. Кед ше дакус упече, обрацаме на шицки боки и печеме додаваюци покус води. Кед месо мегке, положиме шницли на дещичку, порежеме на ценки карички и покладземе на миску.
До тей масци дзе ше пекло месо положиме дас варешку муки и пражиме на червено, а кед добре превре, сцагнєме на бок шпоргета и положиме до ньго 2—3 ложки шметанки и дакус лимунового соку. Помишаме и зоз тим сафтом прелєєме на миски положене месо.
Єдло ше вислугує зоз іпалату або з даяким варивом (цушпайзом).