ГЛАВНИ СОСТОЙКИ ПОЖИВИ

Пожива, без сумнїву, єден з найважнейших вонкашнїх факторах хтори условюю добре або подле здравє и уплївую на роботну способносц и длужину людского живота. Познанє и розумне применьованє сучасних знаньох о поживи оможлївюю нам же би зме свидомо уплївовали на животни процеси у нашим орґанизме.
Ми нєшка у можлївосци не лєм начишлїц хтори состойки поживи потребни нашому целу, алє и у хторим количестве и у яким стану их воно найлєпше хаснує.
Задаток поживи зложени: вона треба же би дала орґанизму материял за рост и будоване клїтинкох, же би му обезпечела енерґию хтора потребна целу за окончованє тїлесней и розумовей роботи и же би му прибавела состойки хтори го буду охраньовац од евентуалней хороти. Шицки поживово продукти хтори творя нашу поживу нє маю у себе єднак материї хтори организму потребни. Даєдни маю у себе вельке количество поживових материйох, а други маю у себе такволани охранєбни материї.
И єдни и други чловек бере зоз животиньского и рошлїнекого швета свидомо або инстинктивно, по навикнуцу або смаку, и часто таки вибор, патрени зоз становиска правилного костираня, може буц погришни.
Основни поживни и нєобхояно потребни субстанци за вибудов, отримоване и правилне функционованє чловекового орґанизма то бильчки, угльови гидрати, масци, минерални материї, витамини и вода. Перши три спадаю до поживних, а други до охранєбних материйох.


БИЛЬЧКИ

Бильчки пре вельке значене за живот наволани ище и протеини, бо по гречески протос значи перши, найважнєйши. Скорей, шицки материї хтори по своїх прикметох здабу на бильчок вайца були учишлєни до бильчкох. Медзитим, нєшка ше