ГРЕЧЕСКА МАЧАНКА
У шольки цеплей води розмуциц ложку муки, усшіац до шерпенї, додац ложку масци, на дробно поплекану петрушку. Шицко положиц на цихи огень и мишац. Кед мачанка почне врец, сцагнуц з огня и капнуц дакус лимунового соку.

ЖИМНА ХРИНОВА МАЧАНКА
Помшнац 2 ложки натартого хрину з 2 дл шметанки и охабиц най стої 2 годзини. Потим додац 1 жовчок, 1 ложку сенфу, дакус цукру у лимуновим соку, посолїц и добре помишац. Мож єсц зоз жимним месам и з варену жимну рибу.

КАПУСНА МАЧАНКА НА ТЕПШИ
На масци ше попражи три векши варешки муки, посолї и сцагнє з огня (пред пальом, кед у руским пецу), та ше залїва з вицадзену капусну юху (з квашеней капусти). До ридкей мачанковей маси покладзе ше сушени ребра (чи колбаси, каждому по фалаток) и положи до пеца же би ше добре випекла.

КИНГСБЕРҐСКИ КУЛЬКИ
До зомлєтого меса потрушиме пред тим намочену кромку хлеба, додаме дробно пошеканей цибулї, вайцо, солї и попру по смаку и шицко добре загнєцеме. З того правиме кульки вельки як вайцо и кладземе до посолєней цеплей води най вру дас годзину на цихим огню.
У другей шерпенки зогреєме ложку масци, додаме ложку муки, кус препражиме и додаме пошекане петрушково лїсце, та залєєме з юшку дзе ше варели кульки. Шицко тото ма добре преврец и згуснуц ше по смаку ґаздині'. Тоту мачанку на концу треба кус поцукровац, поквашнїц и посолїц по смаку. До готовей мачанки ше дода 2—3 ложки шметанки и прелеє до судзини у котрей ше будзе служиц. На концу ше до нєй пущаю уварени кульки.
Служи ше з уваренима кромплями и хлебом, а Нємци до тей мачанки кладу и наквашени квет „коперн".