КОПРОВА МАЧАНКА
Направ запражку, як и обично, та кед пожовкне, полож до нєй на дробно нашеканого копру и дакус попране. Вец залєй з воду або з юшку, посоль, дакус поцукруй и поквашнї.

ЛИМУНОВА МАЧАНКА
На масци лєбо маслу добре попражиме муку, налєеме на тоту запражку млєка, дакус посолїме и поцукруеме, а кед є густа, уварена, висцискаме до нєй пол лимуна и добре премишаме. На остатку можеме додац даскельо заренка сухого грозна.

МАЧАНКА З ҐЕСТИНЬОХ
Ґестинї позиаме шицки. Знаме же су смачни пукани, або варени, але попробуйце их пририхтац и на нови способ.
Очисцице ґестинї од лупи, порежеце на даскельо часци, налєєце з воду и парадичами и варце док нє одмегчаю. Препасировац их, додац кус цимету, паприґи, солї, ложку масла и служиц як мачанку з вареним месом.

МАЧАНКА 303 КВАШЕНИХ ПАПРИҐОХ
Повинїмай чутаки зоз квашених паприґох, пореж их на коцки. Випраж у шерпенї даскельо шкварки зоз куреней сланТни, кед шкварки почервенїли, винь их и у тей масци направ запражку зоз самей муки. Кед мука крашнє почервенєла, усип порезану паприґу, попраж дакус и залєй зоз тельо води най ци заш лем мачанка останє досц густа. Посоль, а скорей як ношиш на стол, замишай дакус шметанки.

МАЧАНКА ЗОЗ ШКВАРКАМИ И КРОМПЛЯМИ
То тиж комплетне и тунє єдло. На векшей ложки масци, чи двох ложкох олею, попражи ше три варешки муки, мож кус додац и мелкей паприґи, и направи мачанка з парадичанки. Посолена мачанка ше прелєє прейґ очисцених кромпльох Заварених на лупу у сланей води, а поверх шицкого ше положи по єдну векшу шкЕарку зоз сланїни. Ту нє идзе шалата.