МАЧАНКА НА ТЕПШИ З РЕБРАМИ ЛЄБО З КОЛБАСУ
Бере ше фалаток колбаси и сухого ребра по особи, а запражка — єдна ровна ложка муки на єдну особу и масци тельо най упиє муку. Перше ше попражи месо на поли. Окреме ше направи запражка (мера спрам особох) и залєє зоз парадичанку и з воду, лєбо з капусну юху (половку капусней юхи а иоловку води), а може и з воду и дакус млєка (такволана била мачанка), лєм ше ту додава и дакус мелкей паприґи. Кед мачанка уварена, поеклада ше до тепши обарени ребра, нареже ше колбаси (куреней або сировей), прелєє ше мачанка и положи до рерни най ше пече. Упечена є кед ше на нєй направи скорка и масц виплїва горе, а около телши червена скорка.

МАЙОНЕЗ
У миски ше витрепе 4—6 жовчки. Миску ше полозки на ляд або до жимней води. У непреривним мишаню, додава ше 15 капки финого зейтину, капку по капку. Посолї ше по смаку, дода ше 2 дл жимней студзенїни. Кед мачанка постане густа, попопруе ше и накапка юшка з 1 лимуна. Док ше не хаснує^ най стої на лядзе або у жимней води.

ОГУРКОВА МАЧАНКА
Очисц дватри нєгорки огурки. Пореж их на цо ценши фалатки, посоль и зохаб най пол годзини стоя, а дотля направ запражку з масци, муки, дакус пошеканого цеску. Кед ше то попражело, додай висцискани огурки, попраж и залєй з воду. Най сциха вре. Посоль, пооцтуй, попопруй и додай на остатку дакус квашней шметанки.

ПАРАДИЧОВА МАЧАНКА З РЕБРАМИ
Пред пальом — кед ше топи та кед ше жирячка ище не позбивала — у двох варешкох масци ше попража три векши варешки муки непреривно мишаюци. Кед мука почервенеє, меркуюци ше сцагнє з огня и покус залїва з парадичанку. Кед же парадичанка моцна, мож додац и води так же би ше достало