ЦИБУЛЬОВА МАЧАНКА НА ТЕПШИ
Два векши главки цибулї ше подинстує пред пальом на тепши, з єдну ложку масци. Кед цибуля мегка, дода ше три варешки муки, попражи на целово и зняту з огня залїва куспокус з воду. Мож ю заляц з млеком и до нєй положиц на каждого по фалаток сушених реброх.
Кед ребра слани — нє треба солїц, а кус менєй ше солї ісед ше кладз.е домашню колбасу до мачанки.

ХРИНОВА МАЧАНКА З МЛЄКОМ
До ферталь литри млека полож два ложки муки и розмуц, вец улєй врацого млєка (ище ферталь литри), посоль, поцукруй и додай два ложки швижого натартого хрину. Тото іпицко най превре.

ХРИНОВА МАЧАНКА З ЯБЛУКАМИ
Натри хрину, а натри тельо и квашни яблука. Посоль, пооцтуй, поцукруй и залей з врацу юху. Особено смакує зоз швиньским вареним месом.

ЯБЛУКОВА МАЧАНКА БЕЗ ХРИНУ
У 1 варешки масци пражи ше 2 варешки муки, док мука нє постанє цма драпова. Дода ше 2 на коцки порезани яблука, налєє ше лїтней води, посолї и поцукрує по смаку.

ЯБЛУКОВА МАЧАНКА 303 ХРИНОМ
Єден корень хрину очисциц и натрец, посолїц и преляц зоз 3 ложками говедзиновей юхи. На тото ше дода дакус зейтину и есенцу а може и поцукровац. На остатку ше дода 2 очисцени и натарти яблука. Шицко ше добре премиша и ноши на стол.