ШАЛАТИ


ВАЙЦОВА ШАЛАТА
Увар вайца на твардо, очисц и пореж на ценки колеска. Поскладай их на плїтку миску, посоль, док су цепли полей зоз финим зейтином и розводнєним оцтом и попопруй.

ДИНСТОВАНА ПАПРИҐА
Даскельо желєни паприґи умиєме и положиме на горуцу масц най ше динстую. Кед су на єден бок червени, обрациме их на други бок и так обрацаме док ше на шицки боки не упечу на мегко. На остатку их посолїме.
Така паприґа барз смачна и є ше место шалати.

ДИНСТОВАНА СЛАДКА КАПУСТА
Главку сладкей капусти потреме на тарлє и положиме на масц динстовац. Долїваме вше покус води док капуста не будзе цалком мегка. Вец ю кус попопруєме.
Хаснуєме ю ґу вшелїяк приготовеним месом место кромпльох лєбо рискаши.

ЖЕЛЄНА ШАЛАТА
Прави ше на два способи. На перши епособ поумивани лїсца шалати ше прелєє з чечносцу у котрей єст води, солї,