цукру, есенцу и кус сенфу. На други способ шалата ше знова прелєє зоз спомнуту мишанїну (венеґретом), а вец ше поверх нєй натре на тарлє твардо уварени жовчки.

ЖЕЛЄНА ШАЛАТА З ОЛЄЙОМ
Желєну шалату ше очисци, умиє, подзелї на дробнешпи часци, дакус посолї (хто люби, може и поцукровац), дакус ше посипе з олєйом и оцтом.

КАПУСТОВА ШАЛАТА
Главку сладкей капусти очисциме од верхніх лїсцох, розрежеме по поли и цо на дробнєйше ю порежемепотреме. Дакус посолїме и охабиме най постої. Вец ю квашнїме, дакус попруеме и єме.

КРОМПЛЬОВА ШАЛАТА
Уварени кромплї на лупу очисц, пореж на колєска, посоль, полєй зоз шметанку (лєбо зоз зейтином), пооцтуй, додай нашеканей цибулі' (на колєска) и попопруй.

КРОМПЛЬОВА ШАЛАТА ЗОЗ САРДЕЛАМИ
Увар кромплї на лупу, очисц, на ценко пореж, посоль и док су ище горуци, полєй зоз зейтином. Подроб з ножом даскельо сардели, полєй их зоз зейтином, висип до кромлльох. Потим дакус з винским оцтом оквашнї, дакус поцукруй, натри дакус на того цибулї и шицко вєдно помишай.

МАДЯРСКА ШАЛАТА
Шалата ше прави так як тартаршалата, лєм ше место кислого млєка прелєє квашну шметанку посипану з мелку паприґу.