МИШАНА ШАЛАТА
Полож до тацни на стредок добру гарсц у води увареней пасулї, посоль, налєй дакус олєю и з винским оцтом поквашнї. Потим нареж барз на ценко цибулї, посоль ю най дакус так постої, а вец ю покладз по пасулї. Около як венєц покладз уварени на ценко порезани кромплї, котри уж дакус стали намочени у пооцтованим олею. На концу нареж швижи парадичи на колєска, покладз около кромпльох, а так вец и нарезаней колбаси.

ОВОДОВА ШАЛАТА ЗОЗ КУКУРИЦУ ЦУКРОВКУ
Пририхтує ше за 4 особи.
Потребне: 400 ґ кукурици цукровки, 100 ґ ананасу, 100 ґ брескинї, 100 ґ ягоди, 1 помаранче и 2 дл априкоту.
Поступок: Кукурицу цукровку вариц 5 минути у врацей води, одцадзиц, охладзиц и сипац до склєняних погарох. Ананас, брескинї, ягоди и помаранче на дробно порезац и помишац.
Класц до погарох и помишац зоз кукурицу. Масу преляц з априкотом и декоровац зоз шлаґом и овоцу.

ОГУРКОВА ШАЛАТА
Огурки очисциме, умиєме и на ценко порежеме, посолїме и охабиме дає годзину стац. Вецка их положиме на миску, поверху посипеме потлученого цеску, дакус мелкого попру, пооцтуєме, посипеме зоз шметанку и єме.

ПАРАДИЧОВА ШАЛАТА
Даскельо узрети парадини поумиваме, порежеме на карички, посолїме, по смаку поквашнїме, поолеюєме и покладземе до нєй дакус барз на ценко порезаней цибулї.

ПЕЧЕНА ПАПРИҐА
Даскельо умити паприґи положиме на шпоргет упечиц. Кед є на шицки боки упечена, закриеме ю з ручнїком лєбо по