ложиме до жимней води же би ше скорма лєгчейше оддзелєла. Вец з нєй знєєме скорку (лупку), пошоруєме паприґу до миски, по верху натрешеме потлученого цеску; поолєюєме, посолїме, поквашнїме и так зготовену паприґу хаснуєме як и гоч хтору другу шалату.

ПОПАРЕНА ЖЕЛЄНА ШАЛАТА
У шерпенки зогреєме масци. Кед масц горуца, положиме до нєй умиту шалату. Пооцтуєме, кус ю пообрацаме и такой єме, посилану на остатку зоз шметанку.
Попарена шалата страцела витамини. Прето є не така хасновита як желєна. Так себе можу готовиц лєм тоти особи котри пре даяки друга причину не можу есц „живу" шалату.

ПОПРАЖЕНА КАПУСТОВА ШАЛАТА
Пошекану капусту посолїме и кед дакус постої, пообрацаме ю у горуцей масци. Поквашнїме и єме.

РЕДКВОВА ШАЛАТА
Редкву очисциме, умиєме, порежеме на ценки фалатки лєбо потреме на тарлє. Посолїме, дакус поолєюєме и так ю єме.

РУСКА ШАЛАТА І
Потребне: 300 ґ кукурици цукровки, 200 ґ порезани паприґи, 200 ґ гращку, 200 ґ мархви, 300 ґ домашнєй куреней шунки, 250 ґ майонезу, 1 одрезок з лимуна, соль, попер, олєю по смаку.
Поступок: Кукурицу цукровку вариц 5 мин. у горуцей коди, одцадзиц и охладзиц. На подобни способ порихтац и гращок, паприґу и мархву. Шицко вєдно помишац у судзини и додац порезану шунку, майонезу, попер, соль, кус олєю и сок з лимуна. Положиц до фрижидера най ше охладзи.
Послугує ше зоз жимнима пред'єдлами и як додаток ґу главним єдзеньом.