ХРИНОВА ШАЛАТА
Хршюв корень добре умиц и остругац (або очисциц верхню скорку кед є старши) и на дробно потрец на тарлє. Препоручує ше тото окончиц при отвореному облаку, або на отвореним просторе, же би очи не щипало. Потарти хрин, кед сцеме же би не бул барз горки, треба даскельо минути потримай, у горуцей рерни, же би „заглухнул". Потим го пресипац до судзини у котрей ше будзе виношиц на стол, кус посолїц (мож и поцукровац) и поквашнїц з оцтом по смаку.

ХРИНОВА ШАЛАТА З МАРХВУ И ШМЕТАНКУ
Вжац приблїжно єднане количество мархви и хрину. Добре поумивац, остругац (або очисциц од лупи) и потрец на тарле. Помишац вєдно хрин и мархву, кус посолїц и помишац зоз квашну (або сладку) шметанку. Поквашнїц з оцтом по смаку. Кед хрин барз моцни, доложиц ище натартей мархви. Таки хрин нє треба „заглушовац" у рерни.

ХРИНОВА ШАЛАТА 303 ШМЕТАНКУ
Хринов корень добре умиц и остругац (або очисциц верхню лупку кед є старши) и на дробно потрец на тарлє. Препоручує ше тото окончиц при отвореним облаку, же би очи нє щипало. Потарти хрин, кед сцеме же би нє бул барз горки, треба даскельо минути потримац у горуцей рерни же би „заглухнул". Потим до судзини у котрей ше винєше на стол усипац хрин, посолїц по смаку и помишац зоз квашну шметанку. Кед є нєдосц квашни — по смаку додац оцту.

ЦВИКЛОВА ШАЛАТА
Прави ше зоз на цало уварених цвиклох. Же би ше затримала червена фарба, до води за варене налєє ше есенп. Очисцени уварени цвикли пореже ше на фалатки и прелеє з олєйом, есенцом, солю, рашку и потартим хрином або найквирцом, хто люби. Є ше жимна.