ЦИБУЛЬОВА ШАЛАТА
Пореж вельку главку цибулї на ценки колеска, посоль и зохаб дас дватри годзини. Вец цибулю висцискай и вимий з воду, полєй зоз зейтином и оцтом.

ШАЛАТА З ПАПРИҐИ
Тога шалата барз смачна. Паприґи ше упече, очисци и прелєє з мишанїну у котрей єст олєю, есенц, соль и нашекани цеснок. О пол годзини мож єсц.

ШАЛАТА ЗОЗ СИРОВЕЙ ЖЕЛЄНЯВИ
Два мархви и 1 целер очисциме, умиєме и потреме на
тарлє. Насолїме, та най дакус постої. Розмишаме шицко, по
верху натрешеме пошеканей цибулї, дакус поквашнїме и по смаку поолєюєме

ШАЛАТА ЗОЗ ТУНОВИМ МЕСОМ
Пририхтац: 20 деки туни з конзерви, главку желєней шалати, 4 твардо уварени вайца, конзерву рибових филетох, 1 червену паприґу (мож и з дунца), даскельо конарчки целеру чи петрушкового лїсца, 1 огурку, звязку редквочкох, 1 лимун, соль и олей.
Одцадзене туново месо ше пореже на дробно, так ше пореже най красше випатра и кажда желєнява. Шорує ше до судзини зоз котрей ше служи (найлєпше склєняней) шор желєняви, шор тунового меса, даскельо филети и шор колечка з вайцох. Окреме ше розмиша лимунов сок з кус води и олєйом и осторожно посолї понеже конзерва слана. Шалату ше прелєє скорей од послуженя як пред'єдло або лєгчейша вечера.

ШАЛАТА З УЗРЕТЕЙ ПАСУЛЇ
Пасулю пребереме, умиєме и положиме увариц барз на мехко. Вец з нєй злєєме воду, потрешеме по нєй нашеканей цибулї, поолєюєме и поквашнїме.
Єме ю зоз сухим швиньским месом.