— зоз сиром розправеним на сладко або слано ґу котрому ше дода кус масла (хто подяоши його пах), або ванилиї кед на сладко;
— з маком помлєтим и розправеним з цукром и кус поолєйованим;
— зоз пошекану и попражену квашену капусту;
— з уваренима, посолєнима. попраженима, а може и попаприґованима кромплями;
— зоз попраженима натартима квашнима яблуками;
— зоз попраженим на червено сланим чи сладким ґризом. Галушки зоз сиром мож преляц зоз шметанку и запекац
іюдобнє як палачинки, мож попражиц на маслу так же ше сир цага як влакно, а мож правиц и з кляґаним сиром.

ҐОМБОВЩІ ЗОЗ СИРОМ І
Розмишай у єдней миски масци тельо як єдно вайцо, додавай три до штири жовчки єден по еден, а кед ши готова, додай килу потрушеного сира. Добре розмишай, посоль, дай шнїг (пену) зоз трохштирох бильчкох и 6—10 ложки муки, шметанки ложкудва и добре розмишай, та прав ґомбовци. Увар у врацей сланей води, виберай их з дзираву вареху, посип их зоз праженима отрушинами.

ҐОМБОВЦИ ЗОЗ СИРОМ II
Добре розмишаме пол кили сира зоз 4 жовчками и лолсичку масци. Додаме 2 ложки ґрису, та най постої 1 годзину. Вигрепеме 4 бильчки, помали замишаме до сира, посолїме и додаме 7—8 верхом полни ложки муки. Зоз цеста правиме ґомбовци, та кед вода вре. положиме их вивариц дас 5 минути. Потим шицко винєме з дзираву вареху, положиме на миску и прелєєме з горуцима презлами (на масци або на маслу попраженима).

ҐОМБОВЦИ ЗОЗ ШЛЇВКАМИ
Килу кромплї увариц у лупи, очисциц и препасировац або добре подавиц, додац цале вайцо, посолїц и загнєсц з муку тельо же би ше могло розогнац (нє барз на твардо) дас на палєц грубо. Цесто порезац на коцки, до каждей щикану шлїв