же би одвитовала грубини розвитого цеста. Цесто увариц у досц посолєней води и одцадзиц го. Дробно порезане месо попражиц на олею вєдно зоз поджамену цибулю и розмарию. Наляц з вином и додац парадини и паприґу. Вариц на цихим огню коло ЗО минути. Служиц зоз цестом.

ОТРУШИНИ (ШМАРН)
Мишай штири жовчки и осем ложички цукру, додай шольку муки, дакус солї и шнїг зоз іптирох бильчкох, та поцихи розмишай. Долївай помали млека док нє улеєш ферталь литри. Меркуй же би нє було грудки! Вец то усип до шерпенї у котрей масци тельо же праве прикриє дно и праж. Кед ше тому сподок попражел, з верху потаргай и попреврацай и заш зохаб най ше так сподок упражи. Дотля так роб док ше шицко нє ш>пражи. Кед малі ношиц на стол, ище поцукруй з мелким цукром. Є ше з даєдним дунцом лєбо зоз желену шалату.

ОТРУШИНИ ЗОЗ ҐРИСУ БЕЗ ВАЙЦОХ
Розпущ масц на шерпенї и усип до нєй ґрису, посоль и праж док нє почервенєє. Кед почервенєл, улївай покус млєка и мишай. Млєка лей лем тельо же би ґрис остал густи, а пражинки же би були як и у отрушинкох и отрушинох з ґрису.

ОТРУШИНИ ЗОЗ ҐРИСУ (ҐРИЗШМАРН)
Намоч ферталь кили ґрису у пол литри млєка. Додай 4 жовчки, єден по єден, 5 ложки цукру, дакус солї, ферталь литри сладкей шметанки, розмишай, прикрий та зохаб най стої два годзини. Вец умишай до того тварди шнїг зоз 4 бильчкох и праж на горуцей масци у шерпенї так як и отрушини.

ПЕЧЕНИ СТРУЧА З КРОМПЛЬОВОГО ЦЕСТА
Увар єдну килу кромплї на лупу, очисц, подав през шитко. Окреме мишай 6 деки масци, 2 жовчки, 5 деки дробно нашеканей колбаси, дакус нашеканей цибулї и петрушкового лїсца. Шицко вєдно помишай и додай тельо муки кельо треба же би