цесто було метке. Зоз того прав дакус векпш кульки и вар их помали у врацей сланей води. Уварени винь, охладз зоз жимну воду, пореж на струна, покладз до тепши у котрей маш масци (врацей). Так покладзени полож до рерни най ше печу дотля док ше на нїх нє влапи червена скорка.

ПИРОГИ
Вежнїце зоз житней муки з двома гарсцами и загнецце з єдним вайцом, кус солї и кус води. Цесто може буц кус мегчейше як на галушки, бо ше вец лєгчейше лїпи, але ше лєпше трима твардейше. Колесо з розогнатого цеста ше пореже по поли, на едну половку на еднаких оддаленосцох покладзе фил: печена бундава, по єдна пощикана вишня, роправени сир на сладко чи слано з вайцом, маджун и так „поцифроване" цесто ше прикриє з другу половку. Коло вилучених местох ше реже на коцки з острожку, та вец нє треба лїпац. Кед нє маце острожку, цале колесо цеста порежце на коцки, до каждей коцки положце жадани фил и вец процивни краї злїпце як хусточку на глави. Злїпце добре около же би фил нє вичурел и пущайце таки тророги пироги до сланей води котра вре. Кед пироги виплїваю — готови су и можеце их розмишац (охладзени и дремити зоз жимну воду) з отрушинами з хлєба попраженима на маслу, олею чи масци и посладзенима.
Кед правице пироги, а сцеце же би були цо финши, вец нихаснуйце українски рецепт за вареники котри гвари же поверх уварених пирогох (як ми пражени отрушини) треба преляц розпущене масло, або сладку шметанку, а мож и попахняциц з ванилийовим цукром.

ПИРОГИ НА ГАЛИЦКИ СПОСОБ
Порихтай себе даскельо днї налредок сир так: потруш кравски сир, посоль го и позберай до гарчичка. Прикрий го и зохаб най кишнє. Кед уж придзе дзень же сцеш правиц тоги пироги, увар очисцени кромплї, одцадз их, подав и змишай зоз приготовеним квашним сиром. Вец загнєц обичне цесто на пироги, розжень го, виштухай з вельку огруглу фурму фалати цеста, кладз на нїх тот сир зоз кромплями, складай наполи и лїп. Полїпени вивар у сланей води, змий зоз жимну воду, кладз их на врацу масц най ше дакус попража (масци не треба вельо). Єдза ше лєбо поляти зоз шметанку, лєбо посипани з дробнима цеплима шкварочками, лєбо зоз цеплу попражену на червено цибульку.