ПИРОГИ ЗОЗ КРОМПЛЯМИ НА ГАЛИЦКИ СПОСОБ
Загнєц цесто так як на пироги, з вельку округлу фурму виштухай. Кромплї порихтай напредок так: увар у сланей води очисцени кромшгї, одцадз их, подав и додай дакус масци у котрей ши упражела пошекану цибульку (вєдно зоз цибульку усип), попопруй и розмишай. Тераз кладз на цесто и половки згинай и лїп. Вивар у сланей. води, полож дакус на горуцу масц и попраж. Є ше их зоз шметанку, попражену цибульку, лєбо зоз цеплима шкварочками.

ПИРОГИ ЗОЗ КРОМПЛЬОВОГО ЦЕСТА ЗОЗ ШУНКУ
Направ цесто як за кромплянїки. Розжень го и пореж так як цесто за пироги. Надроб вареней шунки и квашени огурки, та их змишай и кладз на цесто и прав пироги. Направени пироги праж у горуцей масци.

ПРАЖЕНА ТАРГОНЯ
Гарсц сухей таргонї, або натартей з твардейшого цеста, руци ше на масц (дас ложку масци) и попражи. Кед таргоня червена (муши ше мишац най ше на шицки боки папража), залєе ше ю кус зоз воду най вре, по смаку посолї (дахто я цукрує) и на концу пред служеньом по смаку ше додава як орех масла або масци.

РЕЗАНКИ ЗОЗ ШУНКУ
Цесто загнєцеме як обични резанки, порежеме го, увариме у сланей води и вец шоруєме: резанки посипац з уварену помлєту шунку, шметанку и масцу лєбо маслом; вец заш шор резанки итд. Запечеме у рерни або пецу.

РЕЗАНКИ У МЛЄКУ
Загнєц цесто на двох вайцох (води додай лєм тельо кельо ше месци до пол шкарупини), розжень и пореж на резанки (як цо кед сцеш правиц зоз сиром резанки), завар их до литри