млєка и вар дотля док млеко зошицким не вивре, лем мишай най ци не пригори. Уварени полож на жимне же би ше охладзели. Док ше резанки хладза, розмишай, добре дакус масла лєбо масци, штири жовчки, по волї цукру, солї и три ложки шметанки. Умишай то до охладзоних резанкох, додай ище пену од штирох бильчкох. Ту можеш додац дакус и сухого грозна лєбо фалатки чоколади, але не мушиш. Добре розмишай, усип до намасценей и з презлами посипаней шерпенї та печ дас три ферталї годзини у рерни.

ТАЛИЯНСКИ ШПАҐЕТИ „МИЛАНЕЗЕ"
Погребне за 4 особи: 0,5 кґ шпаґети, 3 дл парадичанки (лєбо єдна фляшка кечапу), солї, попру, два ложки веґети, 100 ґ пресованей шунки порезаней на резанки, 100 ґ масла и 30 ґ тартого сира пармезана.
Шпаґети увариц у сланей води так най под зубами ище хрупкаю (ал денте), цо значи же най не буду мегки але наполи уварени. Одцадзиц их и вимиц зоз жимну воду. Окреме розпущиц масло, додац шунку, присмаки, парадичанку, веґету и 1 ложку сенфу. Шпаґети розмишац вєдно зоз тоту мачанку а од горе класц натартого сира пармезана.

ТАРГОНЯ У МЛЄКУ
За таргоню у млєку лєпше хасновац швиже цесто же би млєко нє збегло. Мож трец твардейше цесто (гарсц муки, кус солї и едно вайцо) над млєком док вре. Кед таргоня уварена, иидзе на верх, та ю мож поцукровац по смаку.
Таргоня у млєку з ванилийовим цукром будзе смаковац и меншим дзецом место фршптику. Густосц одредзуеце по дзеки.

ШПАГЕТИ „АБЦ"
Пририхтує ше за 4 особи.
Потребне: паковане од 500 ґ шпаґети, 250 ґ мишаней желєняви за юшку („АБЦ", гращок, мархва, целер, карфиол, келераб), 2 дл парадичанки, 1 дл кечапу, 0,5 дл олєю або масла, 200 ґ кукурици цукровки, соль, попер, веґету.