ПАЛАЧИНКИ

 


ПАЛАЧИНКИ
Полож до миски пол литри билей муки, 3 цали вайца, 4 ложки цукру, дакус солї, додавай помали млєка и мишай. Перше тельо долєй млєка же би ши цесто могла добре витрепац, а вец го далєй помали розридзуй тельо же би було гладке и ридке як розтопени мед. Так приготовене ридке цесто черпай з вареху и праж ценки палачинки на горуцей масци на обидва боки. Праж на моцним огню. Упражени палачинки масц з даяким маджуном лєбо розправ сира як за рейтеши, та з нїм масц, а вец поскруцуй, дакус поцукруй (з мелким) и полож на цепле док нє ношиш на стол. Мож их поскладац до глїняней миски лєбо тепшички и заляц зоз шметанку та положиц до рерни най ше препечу (док шметанка нє превре).

Опатьце видео як ше правя палачинки (кликнїце на линк):

ПАЛАЧИНКИ ЗАПЕЧЕНИ (СЛАНИ)
Потребне за 8 особи: упечени слани палачинки 2 по особи, 0,5 кґ зомлетого меса, два векши цибулі порезани, 2 ложки петрушкового нашеканого лїсца, два струча цеску, 10 дкґ вареней рискаши, 10 дкґ упражени дробни шкварки зоз сланїни, два вайца, 4 дл шметанки, присмаки.
Попражиц цибулю и додац месо и цеснок, петрушково лїсце, шкварки и рискашу. Шицко добре помишац и зєдинїц до филу. Палачинки ше полнї зоз филом так же ше их закруца, а конци ше завера як кед ше прави сарма. Палачинки складац до тепши хторей дно намасцене з олєйом. Кед ше шицки посклада, окреме ше помшпа 2 дл шметанки з 2 вай