ЄДЛА НАШИХ ПРЕДКОХ


БЕЛЮШИ
Цесто за белюши исте як и за капущанїки, лєм муши буц з квасом. Значи, на малу гарсц муки, кус квасу у води, посолї «те и загнеце та розжене цесточко. Док цесточко кишнє, розправя ше сир, подобнє як за рейтеши: на пол кили масного швабского сира ше дода 1—2 цали вайца, посолї и покладзе поверх цеста, та ше кладзе до пеца печиц.
Белюши мож печиц у рерни, досц ше длуго печу, а вец их мож ище раз премасциц зоз шметанку и запечиц.

БОБАЛЬКИ З МАКОМ
Потребне: 40 дкґ гладкей муки, соль, 1 ложка цукру, млєко спрам потреби, 15 дкґ маку, 15 дкґ мелкого цукру (у праху), 10 дкґ меду, 10 дкґ масла и 2 дкґ квасу.
Поступок: Квас положиме викиснуц у 2 дл посладзеного млека. Зограту муку, соль, цукер, викиснути квас и по потреби дотля млеко добре вигнєцеме на цесто. Таблу посипеме з муку и з вимишеного цеста правиме дас 1 цм груби шульканци у длужини тепши, котри покладземе на помасцену тепшу к охабиме викиснуц. Вец положиме до горуцей рерни и упечеме. Упечени охладзени шульканци порежеме на 2 цм длуіоки фалатки и покладземе до ванґлочки. Воду або млєко превариме, полєєме бобальки, швидко помишаме и прецадзиме же би ше нє барз напили води або млєка. Потим их помасциме з розпущеним маслом або масцу, посипеме з млєтим цукром розмишаним з маком, добре премишаме и на концу положиме до миски и полєєме их з розпущеним медом.