БОБАЛЬКИ ЗОЗ СИРОМ
Пририхтуеме их так як и з маком, лем же место маку на бобальки положиме 30 дкґ кравского або 20 дкґ овчого сира и 10 дкґ масла. Бобальки можаме помишац и з°3 твардешшш сиром, трапиетом, котри пред тим потреме на тарлє и по верху го посипеме.

БУХТИ (ПАМПУШКИ)
За бухти потребне пол кили муки, єдно цале вайцо, пол литри млєка, дакус солї и дакус цукру. Перше ше як орех квасу заправи у пол шольки млєка зоз кус цукру. Познєйше ше зоз тей заправки и муки, солї, цукру и млєка направи цесто котре муши добре скиснуц. Скиснуте цесто ше розжене на грубше и з округлу фурмочку ше прави бухти. Тоти бухти муша ище кус киснуц же би ше на розпеченей масци у шерпенки добре попражели и наросли. Скорей як цо их положице до масци, розцагнїце каждей дакус штредок. Пража ше так же плїваю у масци.
Нароснути и на червено упражени бухти ше винїма, масци ше з маджуном або з даяким другим филом.

ВЕЛЬКОНОЦНА ШУНКА
Заднє швиньске сцегно найлєпша шунка и добре таку шунку вариц кед є нє барз масна. Понеже то курене и солєне месо, скорей як вариме добре же би було намочене голєм цалу ноц. Вимочена шунка ше длуго вари, бо ше муши сциха вариц, а уварена є кед ше на колєнку оддвоюе месо од косцох.
Ґу вареней шунки идзе хрин, настругани на дробно, пооцтовани и посолєни по смаку и розправени зоз сладку шметанку. Хто люби моцнєйши хрин, най нє розправя зоз шметанку, але лем з кус есенцу и най вше наструга лем тельо хрину кельо треба такой винєсц на стол.

ҐОРГЕЛЇ
Кила кукуричней муки, дас 3 гарсци ше загнєце з верхом полну варешку масци розчухану з муку, додац шметанки або млєка, кус солї и цукру, цо вецей натартей бундави — так