же би було таке тварде же би ше не розпадовало цесточко з котрого ше направи мали поґачик. Таки поґачики ше кладзе на добре помасцену тепшу и пече досц длуго и на досц вельким огню.

Опатьце видео як ше правя ґоргелї (кликнїце на линк):

ЗАМЕШКА
Кед вру два литри сланей води, помали и нєпреривно мишаюци сипе ше гарсц (велька) кукуричней муки. Мишаюци замешку, чувствуєце кеди є готова: кед бульканє глїбоке и кед ше видвоюе од шерпенї. Теди ше замешка вине и у грубим пасме масци прейґ плїтких танєрох або велького верха на шерпеню най ше охладзи. Охладзена замешка ше кладзе до цеплого млека, або ше посипує з олєйом у котрим попражена цибулька.
Замешку добре розмасциц на тельо плітки танєри кельо особи буду єсц, та вец на верх каждого того танєра положиц по фалаток швижей упраженей домашнєй колбаси. По жаданю мож ище и преляц замешку з тоту масцу дзе ше пражела колбаса.
Замешку можеце рихтац и як торту, на сладко. Перше пасмо замешки ше кладзе на сподок, пофилує з хлєбичком, маком, сиром, маджуном, вец прикриє з другим пасмом и так ггокля ше сце. Медзи тоти пасма пирска ше з олєйом, а на верх ше може и крашнє пофиловац.

ЗАМЕШКА КРОМПЛЬОВА
Тото старе єдло препоручує Леона Джуньова з Руского Керестура и то так приготовиц:
Килу кромплї увариц у сланей води як за пире, лєм их на концу нє так добре вимишац же би з додатком муки заш лєм мож було чувствовац фалаточки кромпльох. Куспокус усипана мука у кромпльох муши булькац як и замешка з кукуричней муки. Таку замешку кед є готова є ше з попражену цибульку на олєю або з колбасу и масцу у котрей колбаса печена.

ЗАМЕШКА ПЕЧЕНА
Надосц навареней замешки, кед є охладзена та ю мож добре резац, накладзе ше на попражену цибульку на тепши