и поверху ше ище полєє з олєйом, або накладзе фалатки масци и положи до пеца. Пече ше на моцним огню, але не барз длуго.

КАПУЩАНЇКИ
Цесто за капущанїки ма буц як цесто на хлєб. На едно цесточко идзе єдна мала гарсц муки, загнєце ше з кус води, або з тоту воду у котрей розпущени квас (не муши ше з квасом) и посолї. Цесточко ше розганя до грубини як палец и на верх покладзе фил з капусти: на єдно цесточко єдна мала гарсц капусти з гордова ше висциска, на дробно пошека и розмиша з надробно пошекану цибулю (на олєю). Цесточко ше позбера як малу зайдичку и знова розжене так же капуста нука. Центе розогнати капущанїк будзе хрупкацейши, грубши будзе мегчейши.
Капущанїки найлєпше печиц у руским пецу на пециску, але мож и у рерни на тепши, або без масци на специялней еучасней палачинкарнї на котрей не пригорює (тефлон), а можу ше и пражиц на олєю та почервеня.
Прави капущанїки, кед ше их винє з пеца, насклада ше сден на други до даякей судзини и прикриє з ручнїком же €и ше упарели и одмекли. Таки одмекнути, а ище цепли, ше масци з олєйом, знова еклада и поскладали винили на стол.

Опатьце видео як ше правя капущанїки (кликнїце на линк):

КАРАПАЧИ (НАДУВАРИ)
Потребне: 2 жовчки, 1 гарсц муки, води або млєка, солї, масци, мелкого цукру.
Поступок: Жовчки розмишац и посолїц, розмишац з дакус гллєка або води, усипац муку и добре вимишиц, же би цесто було таке як на рейтеши. Розогнац го з розвалку кус грубіпс як на резанки и з пирками помасциц з розпущену масцу, та поскладац и охабиц дас пол годзини най ше „одпочине". Потим цесто знова розогнац як и на перши завод, та ;о порезац на квадратни або длуговасти фалатки з ножом або :.сіз острожку. Кладзе ше пражиц до розгоруценей масци, подобкє як и бухти (пампушки). Попражени карапачи ше склада до одвитуюцей судзини и посипує зоз мелким цукром. Найлєпше их єсц док су цепли.