ске месо з росолї, або и колбасу, лєм чувац же би шицко тото було прикрите з крупами, же би ше не спекло док крупи не готови.

КУКУРИЧНА ПИТА І
Гарсц кукуричней муки, мелкей и з новей кукурици (бо нова кукурица сладша), ше посолї и поцукрує, дода ше єй натартей бундави по смаку, дода три ложки розпущеней масци або олєю и затрепе з млєком на розлїваце цесто. Таке цесто ше муши сипац на добре помасцену и поумивану тепшу и досц длуго печиц.
Поверх кукуричней пити мож преляц сладку шметанку посладзену з ванилийовим цукром, або з додатком цимету и ище кус запечиц. Так достанєце прави фини колач.

КУКУРИЧНА ПИТА II
Кукуричней муки треба 0,5 кили, єдно вайцо, солї и цукру по смаку, дакус на дробно потартей бундави, може и без нєй, млєна обичного и дакус кислого лєбо йоґурту и затрепе ше цесто як за палачинки, лєм дакус густейше. Тепшу ше добре помасци, усипе розмишану масу, од горе ше дакус попирска з розпущену масцу лєбо олєйом и пече ше. Кед почервенї, теди є готова. Мож ю од горе поцукровац кед ше є, а мож место бундави положиц сира — дас пол кили — и вец ше прави на слано.

ЛЕПИНЇ З МЕСОМ
Материял: 1,5 кили муки, 200 ґ масци, квасу, 500 ґ швиньского меса, 500 ґ целячини, 200 ґ сланїни, пол погара маслинового олєю, 12 артишоки, 1 погар гращку з конзерви, 50 ґ желєни маслини без маґочкох, 1 главка цибулї, 2 ложички веґети, шекана петрушка, 2 поджамени цески, соль, попер, стругани орешки.
З муки, масци, квасу и солї замишиц цесто и зохабиц го най стої. На половки олєю и порезаней сланїни динстовац пошекану цибулю док не омегча, а вец додац гращок и очисцени и попгекани артипюки. Пражиц док ппщко нє почервенї.