На остатнім олєю и резаней сланїни пражиц млєте месо и кед є добре попражене, додац петрушку, цеснок, веґету, маслини, попер и орешки. Помишац два маси и зохабиц най ше охладзи. Цесто розвиц и винїмац лепиньчки пречнїка коло 10 цм. На половку лепиньчка класц по єдну ложку филу, водзаци рахунку же би на каждим була и по єдна маслина. Прейґ филу положиц знова лепиньчок, добре составиц конци и КУС их скруциц на горе. Кажди так филовани лепиньчок од горе премасциц зоз витрепаним жовчком и класц их до рерни най ше печу на стреднєй температури.

МАДЖУНЇКИ, ЦУКРОВНЇКИ, ЛЕПИНЇ
Хлєбово цесто, з муки, води и квасу, посолене (на 1 лепинь мала гарсц муки) ше загнєце и подзелї на цесточка та ше розжене на грубину малого пальца. Пред кладзеньом до пеца, кед є уж викиснуте, премасци ше з маджуном, посипе з цукром, або ше лем розреже з трома смугами по стредку. Так. ше достане маджунїк, цукровнїк, або лепинь котри празни упечени може буц помасцени з масцу або ше є з дачим место хлєба. Кед ше маджунїк, цукровнїк чи празни лепинь намасци зоз шметанку и вец ше ище запече — постане вельо смачнейши.

НАДУВАРИ (КАРАПАЧИ) ПОЛНЄНИ
Потребне: 2 жовчки, 2—3 ложки сладкей шметанки, 1 нєвелька ложичка солї, 1 гарсц муки, води або млека, масци, сира або маджуну.
Поступок: Жовчки, соль и шметанку добре розмишац и додац муку, а по потреби доляц води або млєка, же би цесто було метке як на рейтеши. Добре го вигнєсц а потим розогнац и зоз розпущену масцу з пирками помасциц. Цесто поскладац так як на кремпиту и охабиц най ніе дас пол годзини „одпочине". Потим го знова розогнац так же би було приблїжно квадратне, и досц ценке. На таке цесто ше кладзе на дробни громадки розправеного сира або маджуну, досц оддалени една од другей (як на пироги) на єдну половку цеста, а зоз другу лоловку ше закриє. Потим ше прикрите цесто помедзи громадки зоз острожку пореже на квадрати и кладзе пражиц до розгоруценей масци як бухти (пампушки). Попражени надувари ше склада до одвитуюцей судзини и посипуе ше их з мелким цукром.