ОСУХ
Осух ше прави зоз хлєбового цеста. Формує іпе го у тепши лєбо округлей судзини хтора витрима вельки температури. Же би цесто нє росло як кед ше пече хлєб, треба го од горе порезац на коцки же би ше нє правели грунки, а мож и поджобац (направиц дзиркиулєгнуца) з пальцом на симетричних одстояньох. Грубина упеченого осуха ше одредзує так же швиже цесто док ше нє упече нарошнє ище за половку. Осух треба од горе ище дакус по смаку посолїц, а мож го и посипац зоз кимом. Упечени осух ше ламе з руками пред ядзеньом, а дакус го треба по верху „умиц" з воду.

ОСУХ ЗЛОЖЕНИ
Зложени осух ше пече тиж зоз хлєбового цеста. Може те цесто складац на два способи до тепши пред печеньом. Перши способ таки же ше до з масцу намасценей тепши цесто посклада до форми єдней або вецй длугоких пантлїкох, котри груби коло 3 цм, а ширина им дакус менша од висини тепши. Пантлїка з цеста ше склада так же ше скруцує на змервено док ше тешпа нє пополнї. Помедзи пантлїки кладземе з руками швиньскей стиднутей масци розправеней (помишаней) з дакус муки, так же ше по печеню „пантлїки" буду роздвойовац.
Други способ складаня цеста ше прави так же ше цесто нараз шицко положи до намасценей тепши з масцу и од горе ше з єдну руку з пальцами одбере цеста так же би ше правели криви смугиулєгнуца а з другу руку такой масциме з масцу помедзи улєгнуца. Одобрате цесто кладземе назад и береме знова цеста и так прекладаме док по цалей тепши нє буду смугиулєгнуца помасцени з масцу. Так зложени осух ше нє оддзелює по печеню, бо му сподок з єдней часци, док ше на перши способ пантлїки цеста оддзелюю до сподку. Осух по печеню треба „умиц" з воду, а по верху хто люби сланше пред печеньом може посолїц.

ПОҐАЧИКИ ЗОЗ ШКВАРКАМИ
Кед уж шкварки нєт хто єсц, понеже „застарели", а ище су добри, вихаснуйце их на поґачики зоз шкварками. Кельо маце шкварки (помлєти), тельо вежнїце муки и на килу такей мишанїни 4 деки квасу (а сухого спрам упутства на мещку)