и єден або два жовчки, та шицко посоліц и загнєсц мегчеише цесто. Добре кед єст шметанки, та зоз шметанку загнєсц. Розогнате цесто поправиц зоз фурмочку (або з погаром) и зохабиц на помученей тепши най кишне. Дотля натопиц або зограц рерну. Печиц на досц моцним огню.

СИРЕЦ
Потребне: 1 л млєка, 10 вайца, цукру и солї по смаку.
Поступок: Млєко ше положи превариц у одвитуюцей судзини. Кед почне врец, поступно улївац пред тим розмишани (невитрепани!) посолєни и поцукровани вайца, нєпреривно при тим мишаюци млеко. Кед ше маса почне дзвигац, такой ю зняц з огня. Пред тим порихтац други гарчок, прекриц го з груднїцу (тилом) и уляц уварену масу, позберац конци груднїци и обешиц на одвитуюце место же би ше маса одцадзела и охладзела.
Так достата груда сирца кладзе ше у цалє на стол у одвитуюцей судзини и реже ше з ней потребни фалатки лод час єдзеня. Сирец ше звичайно додава як прилог ґу вареней шунки або вареним сухим колбасом.

СИРОВНЇК
Потребне: ЗО дкґ муки, 15 дкґ масла або масци, дакус солї, цукру, 1 жовчок, 1 цале вайцо, 3 дкґ квасу, дакус млєка.
Полнене: 1/2 л шметанки, 5 жовчки, дакус солї, 20 дкґ цукру, 2 ложки муки, 3 ложки розпущеней масци або масла, 50 дкґ кравского сира, 10 дкґ сухого грозна, шнїг зоз пейц бильчкох.
Поступок: Муку з масцу розмишаме, додаме соль, цукер, вайцо, жовчок, у дакус млєка розтопени квас, шицко вєдно замишиме на цесто и розженєме на велькосц тепши. Положиме го до тешпи и охабиме киснуц дас пол годзини. Вец премасциме з полненьом, упечеме на червенкав,о.
Полнєнє: сир потреме на тарлє або го добре розмишаме, додаме 5 жовчки, дакус солї, цукру, муки, розпущеней масци або масла, сухого грозна и шицко добре розмишаме. Поступне додаваме шметанку и на концу полегко домишаме шнїг з бильчкох.