їх функциї. Нєдостаточне уношене масцох приводзи до ослабйованя одпорносци цела спрам инфекцийох (зарази).
Треба надпомнуц же ше масци творя и з угльових гидратох и то у случаю кед их чловек троши у вельких количествох. Тот звишок угльових гидратох претворює ше до масци и тота масц служи целу як резервна пожива. Тоти подскорово пасма спераю звишне випущованє цеплоти, охранюю цело од прициску, а бильчки од превчасного трошеня. На остатку не треба забуц же ше масци и олєї додаваю єдлом пре злєпшанє смаку, але же вони, кед длужей стоя у нєвигодних условийох, можу прецерпиц характеристични пременки пре хтори поставаю нєхасновни за людске костиранє.
Окрем поживних материйох, орґанизму потребни, гоч у значно меншим количестве, и такв. охранєбни материї хтори, правда, нє маю нїяку поживну вредносц, алє су значни, бо реґулую велї зложени процеси хтори ше случую у нашим организме. Ґу тим материйом спадаю минерални солї, витамини и вода.


МИНЕРАЛНИ СОЛЇ

Єст их у поживових артиклох рошлїнового и животиньского походзеня. Присуство минералних сольох у поживи ма вельку важносц, окреме дзепоєдних, як цо то: натрий, хлор, калций, фосфор, железо и под.
Натрий ше у форми кухньовей солі находзи у значним количестве у нашим целу, а зоз поживу ше уноши у достаточним количестве. Медзитим, гоч по навикнуцу або по смаку, ми хаснуеме значно векши количества солї додаваюци ю як готови артикл нашому єдлу. При людзох хтори ше костираю преважно з рошлїнску поживу потреби за кухньову солю векши як при гевтих хтори ше костираю з поживовима артиклами животиньского походзеня, бо рошлїнски поживово артикли маю у себе вецей калцийово як натрийово солї.
Без солї би ше велї зложени роботи у нашим целу не могли одвивац. Вона ма прикмету же вяже за себе воду, прето недостаток солї ма за пошлїдок, попри вистатосци, траценя апетиту, поремеценя у роботи нервней системи и мускулох, и творенє чувства смияду. Кед ше лєм з воду пробує загашиц смияд, то ше нє уда, бо орґанизем без солї нє годзен затримац воду, та ше вона будзе вилучовац, а чловек заш будзе смиядни. Же би ше то претаргло треба вжац воду з додатком кухньовей солї хтора ю повяже за орґанизем. Векше траценє солї настава при поврацаню, частих преганячкох и обсяжним зноєню, бо з воду хтора ше у тей нагоди вилучує одходзи и соль.